1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BERLIN: Ujerumani itaimarisha msaada Afghanistan

Kansela wa Ujerumani,Angela Merkel baada ya kurejea kutoka ziara yake fupi ya ghafula nchini Afghanistan amesisitiza kuwa wanajeshi wa Kijerumani hawatopelekwa kubakia katika eneo la mapigano kusini mwa Afghanistan.Amesema, ikihitajika,msaada utatolewa kwa majeshi ya madola shirika yalio kusini mwa Afghanistan.

Kansela Merkel alipokutana na Rais wa Afghanistan Hamid Karzai mjini Kabul,alimuhakikishia kuwa Ujerumani itaimarisha msaada wa kutoa mafunzo kwa polisi.Amesema,Afghanistan inapaswa kusaidiwa ili iweze kudhamini usalama wa nchi,hatua kwa hatua. Kabla ya kurejea Ujerumani,Kansela Merkel alikwenda Mazar-i-Sharif kambi kuu ya vikosi vya Ujerumani,iliyo kaskazini mwa Afghanistan.Ziara ya Merkel nchini Afghanistan iliwekwa siri mpaka dakika ya mwisho kwa sababu za usalama.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com