1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Beirut. Mwanajeshi auwawa na wengine wajeruhiwa.

Majeshi ya Lebanon yameshambulia kwa makombora kambi ya wakimbizi wa Kipalestina kaskazini ya nchi hiyo baada ya wapiganaji wanaohusiana na al-Qaeda kumpiga risasi na kumuua mwanajeshi mmoja na kuwajeruhi wengine watatu.

Duru za kiusalama zinasema kuwa wapiganaji wa Fatah al-Islam waliwashambulia wanajeshi hao wanne katika kambi ya Nahr al-Bared.

Makombora yalirushwa katika kambi hiyo ambako wapiganaji wapo baada ya kujiondoa kutoka katika maeneo ya wazi ambayo yamekamatwa na majeshi ya nchi hiyo.

Jeshi la Lebanon limedai kupata ushindi siku ya Alhamis baada ya siku 33 za mapigano dhidi ya wapiganaji hao wa Fatah al-Islam ambapo watu 172 wameuwawa.

Lakini jeshi hilo limesema kuwa halitaondoa hatua yake ya kuizingira kambi hiyo hadi pale wapiganaji hao wote watakapojisalimisha.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com