1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Beirut. Majeshi ya Lebanon yapambana na wakimbizi wa Kipalestina.

Majeshi ya Lebanon yanapambana na wanamgambo katika kambi ya wakimbizi ya Wapalestina kaskazini ya nchi hiyo kwa muda wa siku ya pili mfululizo.

Kiasi watu 50 wameuwawa katika mapigano hayo, ambayo yamezuka baada ya polisi kuvamia jengo moja , wakitafuta watuhumiwa waliofanya uporaji katika benki moja.

Wanamgambo hao ni wanachama wa kundi lililojitenga la wapalestina la Fatah al-Islam, ambalo linadaiwa kuwa na mahusiano na al Qeda na watu wenye imani kali kutoka Syria.

Baraza la mawaziri la Lebanon limelishutumu kundi hilo la Fatah al-Islam kwa kujaribu kuidhoofisha serikali katika wakati umoja wa mataifa unajaribu kuunda mahakama ya kimataifa itakayowahukumu watuhumiwa wa mauaji ya mwaka 2005 ya waziri mkuu wa Lebanon Rafik Hariri.

Wakati huo huo , mtu mmoja ameuwawa na wengine 10 wamejeruhiwa katika mlipuko wa bomu katika eneo linaloishi Wakristo mashariki ya Beirut.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com