1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

BAGHDAD:Gavana na Mkuu wa Polisi wauawa katika shambulizi la bomu nchini Iraq

Gavana na Mkuu wa Polisi wa jimbo la Diwaniyah la kusini mwa Iraq wameuawa katika shambulizi la bomu la kutegwa bembezoni mwa barabara saa chache zilizopita.

Mkuu wa jeshi katika jimbo hilo, Brigadier Generali Othman al Farood amesema kuwa Gavana huyo Khalil Jalil Hamza na Mkuu wa Polisi Meja Generali Khalid Hassan waliuawa wakati msafara wao uliposhambuliwa kwa bomu kubwa lililotegwa pembeni ya barabara.

Katika shambulizi hilo lililotokea kwenye mjini mkuu wa jimbo hilo Ajjaf kiasi cha kilomita 130 kusini mwa Baghdad dereva na walinzi wa maafisa hao pia waliuawa.

Jimbo hilo la Diwaniyah linalokaliwa na idadi kubwa ya washia, limekuwa katika mapigano makali kati ya majeshi ya Marekani na wanamgambo wa kishia.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com