1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

NRS-Import

Baba Mtakatifu akamilisha ziara yake Ujerumani

Ndege ya shirika la Lufthansa iliyombeba papa Benedict XVI ilitua katika uwanja wa ndege wa Ciampino mjini Roma jana usiku ikitokea Lahr, Ujerumani.

default

Papa Benedikt XVI

Kiongozi wa kanisa Katoliki duniani, Baba Mtakatifu Benedict XVI, amerejea Roma baada ya kukamilisha ziara yake ya siku nne hapa Ujerumani. Ndege iliyombeba kiongozi huyo ya shirika la ndege la Ujerumani, Lufthansa, ilitua katika uwanja wa ndege wa Ciampino mjini Roma mwendo wa saa tatu kasorobo usiku ikitokea mji wa Lahr Ujerumani.

Papst Papstbesuch 2011 Freiburg

Baba Mtakatifu akiondoka Lahr, kaskazini mwa Freiburg.

Papa alisindikizwa na rais wa Ujerumani, Christian Wulff, katika sherehe ya kumuaga. Ziara ya Ujerumani ni ya 22 ya Baba Mtakatifu tangu alipochaguliwa kuliongoza kanisa Katoliki duniani mnamo mwaka 2005.

Wakati wa ziara hiyo, kiongozi huyo aliutembelea mji mkuu Berlin, Erfurt mashariki mwa Ujerumani na Freiburg, mji wenye idadi kubwa ya waumini wa kanisa Katoliki kusini magharibi mwa nchi.

Papa Benedict XVI aliwavutia maelfu ya waumini kwa ibada zilizofanyika kila mahali alikotembelea wakati wa ziara yake, ikiwa ni pamoja na misa ya mwisho iliyofanyika mapema jana ambayo ilihudhuriwa na watu takriban 100,000 katika uwanja wa ndege wa mjini Freiburg.

Katika kila kituo cha ziara yake Baba Mtakatifu alisisitiza umuhimu wa imani kama msingi wa demokrasia iliyo imara au kama chanzo cha nguvu iliyosaidia kupinga ukomunisti katika taifa la zamani la Ujerumani Mashariki.

  • Tarehe 26.09.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/12gIs
  • Tarehe 26.09.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/12gIs

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com