1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

ALGIERS: Waafrika wanufaike kutokana na malighafi yao

Rais wa Ujerumani Horst Köhler ametoa mwito wa kuwepo masharti ya kibiashara yenye usawa kwa nchi za Afrika.Amesema,sera lazima zihakikishe kuwa Waafrika wananufaika kutokana na malighafi yao.

Akasema,kwa maoni yake, Algeria haina utajiri wa madini tu,kwani utajiri wake ni vijana wake pamoja na matumaini na ndoto za vijana hao.Ikiwa kutakuwepo ushirikiano kwa mfano katika sekta ya elimu na mafunzo na pia uhuru wa usafiri,basi hapo Ujerumani itaweza kutoa mchango mkubwa kwa maendeleo ya Algeria.

Rais Köhler alikuwa akifungua kikao cha Ushirikiano na Afrika katika mji mkuu wa Algeria, Algiers,kama sehemu ya ziara yake rasmi ya siku mbili nchini humo.Kikao hicho kimehudhuriwa na Waziri wa Misaada ya Maendeleo wa Ujerumani Heidemarie Wieczorek-Zeul na wajumbe wa Kundi la Mataifa Manane yaliyoendelea Kiviwanda(G-8); Shirika la Ushirikiano wa Kiuchumi na Maendeleo (OECD) na mataifa ya Kiafrika.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com