1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

ABUJA.Spika wa bunge la wawakilishi Nigeria ajiuzulu kufuatia tuhuma za ruswa

Spika wa bunge la wawakilishi nchini Nigeria Patricia Etteh amejiuzulu kufuatia shinikizo za wiki kadhaa za kumtaka ajiondoa kutokana na tuhuma za kuhusika na ulaji rushwa.

Patricia anadaiwa kuhusika na ufujaji wa dolla millioni 5 fedha za serikali kwa kuzitumia kununua magari 12 na kukarabati nyumba anayoishi pamoja na ya naibu wake ambazo ni mali ya serikali.Tume maalum iliyoteuliwa kuchunguza madai hayo imemkuta na hatia ya ulaji rushwa bibi Patricia ambaye ni kutoka upande wa chama tawala.

Kwa muda wa wiki kadhaa Spika huyo alikuwa amekataa kujiuzulu na kumpisha spika wa muda kuongoza mjadala kuhusu tuhuma zinazomkabili.

Sakata hiyo imemtia aibu kubwa rais Umaru YarAdua ambaye aliahidi kutotoa nafasi kwa walaji rushwa lakini akashindwa kuingilia kati kesi hii licha ya upinzani mkali.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com