Majbaro minoriteti bi krlesko ane Srbija
28. novembar 2011.Ko paluno akaripa e Srbijake kedinake e Romen seha duj delegatja: o Rajko Đurić, andar e Unije Romengi ane Srbija thaj o Srđan Šajn, andar e Romani partija. Pala e alusaripa 2008. berš e Roma bešenah ano parlamento majbut sebet e političko kombinatorika thaj partienge kalkulacie. O Jovan Damjanović kana iklisto andar e Srpijaki radikalno stranka kerdas e Demokratsko levica e Romengi, thaj gia avilas bialutno poslaniko, a o Vitomir Mihajlović deputanto andar o SDP-a Rasim Ljajićesko, thaj jekthanes prezidento pala o Nacionalno savet Romengo.
O ćingar sar bilačhipe
O Dragoljub Acković, viceprezidento Internacionalno romane akademijako artizmoske thaj sikipaske, vakarel po Dojče vele kaj naj predstavnikuri e romane partijen ano parlamento, si butvar razlogja. Majbaro si kaj naj minimalno jekthano interesi utrujal savo e Roma šaj malaven jek lafi, phenel o Acković:
O ćingaripe savo seha ano vakto kana duj romane partije seha ano parlamento seha mesalake sar ni trubul te kerdolpe. Kova kerdas e Roma te dikhen pe sah kova sar pe neozbiljno buti, kova nasti vakarav pala e manuša, maskar lende seha but lačhe džene, ama pe savo vast kova mothavenas naj seha lačho. Gia si kaznime, thaj nijek romani partija ni alosarde“.
Khanči bi o političko dab
Kana dikholpe save problemja si e romane minoriteta, seha but lačhes kana seha amen duj deputantura angla pe partije ane skupština vakarel o Acković. Akana kana ano nevo sazivo e kedinako naj amen nijek poslaniko, naj seha ko te kerel političko dab pe odluke, te šaj gija majlačhardol o trajo e Romengo, phenel o Acković:
„Gija e Roma našti resle te istaren po čačipe sar aver minoritetja. Mora seha te roden katar o udar dži ko udar, khonik lačhipe te kerel olenge, a butvar naj khanči kerdo, thaj gia adjukardon pe e neve alusaripa“.
“E Romane partije mothade kaj šaj participirin ano političko trajo, phenel pala o Dojče vele o Rajko Đurić, phivlo poslaniko Romane Unijako Srbija. Kova ni kamlisarde e bare partije, phenel o Đurić, thaj akana e majbare minorites ane srbija naj krlo“, phenel o Đurić:
„Ane akava saziv amen naj seha predstavniko andar e romane partije. Seha amen, čačipe, duj Roma save akate avile avere partienca. Sar kaj dikhas, e bući ane ka nakhlo periodo, kana si o alav andar e Roma, seha nula“.
Bi optimizmesko angla e neve izbojra
Akana aven neve izbojra, ali o Dragoljub Acković ni paćal kaj pe lende e romane partije ka irin pe ano parlamento:
„Tek pe nesave anglutne alusaripa haćarav kaj o romano politikako isani ka avel homogeno te del po krlo jekhtaneh, ili bar duj politikake opcije. Sa dzi kaj si bukadar politikake opcije, a akana hi, te phenav, biš romane prezidentujra thaj anglošorutne, save savore mangen te aven poslanikuri, a nesave majbut kolestar, pala e Roma ni ka avel baro hajri“.
Kana si vorba andar e romane partije thaj o nevo alope, o Rajko Đurić si crdino: vov ni ka dzal po alope, sar kaj phenel dzi ko 5. Oktobar seha jek Slobodan Milošević, a akana si trin, a šaj avelas thaj pandz:
„Pala gasave uslovja, pala ma si dilipe te dzav po alope, si amen ćerko gindo. Darav kaj ane ka situacija ane savi sam, majbut akana kana si e situacija aktuelno maskar e Srbije thaj Kosovo, kaj kote e nacionalutne minoritetja ni ka avel len baro prostor kana si o alope ane vorba. A kova si bilaćhes, jer e problemja sah e nacionalutne minotitenge, a majbut e Romenge, andar o djiveh ko djiveh bajron“, phenel o Đurić.
Lino taro Blic-dw-romanes
Redaktori:N.Osman
Nakavel ano romanes: N.Osman / R.Sejdovic