1. محتوا ته تګ
  2. اصلي مینو ته تګ
  3. د دویچه ویله نورو پاڼو ته تګ
جرمونهآلمان

په ونو بار لارۍ کې یو شمیر افغانانو ځانونه آلمان ته رسولي

۱۳۹۹ آذر ۸, شنبه

یوه ډله افغان نارینه په پټه یوې لارۍ ته چې په ونو بار وه، ختلي او ځانونه یې د جرمني د بایرن ایالت ته رسولي دي. داسي ښکاري چې هغوی له رومانیې څخه راغلي وي.

https://p.dw.com/p/3lwyS
Deutschland Rosenheim Schleusung
انځور: Bundespolizei

لکه څنګه چي د آلمان پولیسو د جمعې په ورځ خبر ورکړی، دغو افغانانو دوې ورځي په دغه لارۍ کې چی د ونو له تنې څخه ډکه وه، په سخت خطرناک حالت کې تیرې کړي دي.

داسي ښکاري چې د پنجشنبې په ورځ د لارۍ یوه چلوونکي په ناڅاپي ډول د افغانانو دغه ډله د بایرن ایالت ته نژدې د روزن هایم په ښار کي د خپلي لارۍ شاته د بارولو په ځای کي لیدلي وي.

لارۍ چلوونکی په یوه تم ځای کي متوجه سو چي د لارۍ د بار برخه یې په غیر معمولي ډول ډیره خوځیږي.

هغه لومړی بیره درلوده چي ښایي په لارۍ کی بارسوی ۲۴ ټُنه وزن بې ځایه سوی وي. کله چی یې غوښتل هر څه کنترول کړي، پنځه تنه نارینه چی یو یې ۱۶ کلن وو، ورڅخه راووتل. پولیسو څو شیبې وروسته هغوی ونیول.

Deutschland Rosenheim Schleusung
انځور: Bundespolizei

دغه نارینه افغانان له رومانیې څخه آلمان ته را انتقال سوي دي. نوموړې لارۍ د دوشنبې په ورځ په رومانیا کي په ونو بار سوې وه. د لارۍ چلوونکي د سه شنبه په ورځ د آلمان په لور څه د پاسه ۱۰۰۰ کیلومتره لار ووهله او غوښتل یې د آلمان پر دغه لویه لار یوه دمه وکړي. د پولیسو په حواله د لارۍ چلوونکی د سفر پر وخت هیڅ متوجه نه سو چی نوموړي نارینه یې په لارۍ کي پټ دي.

زموږ له آرشیف څخه: