1. محتوا ته تګ
  2. اصلي مینو ته تګ
  3. د دویچه ویله نورو پاڼو ته تګ
ناورين

په مديترانه کي په لسونو مهاجر ډوب سوي

۱۳۹۸ تیر ۱۴, جمعه

بيا هم په مديترانه کي د يوې کښتۍ د غرقېدو په پېښه کي په لسونو مهاجر ډوب سوي دي. مرستندويو سازمانونو اندېښنه ښوولې ده چي کيدای سي تر ۷۰ زيات مهاجر ډوب سوي وي.

https://p.dw.com/p/3LcZ5
Bergung von Flüchtlingen im Mittelmeer vor der libyschen Küste
انځور: picture-alliance/dpa/Sea-Watch

د مهاجرت نړيوال سازمان وياند فلاويو دي جياکومو په روم کي د آلمان خبري آژانس ته ويلي دي چي د تونس کب نيوونکو څلور مهاجر ژغورلي دي. د تونس د مدنين ښار د سرې مياشتي کمېټې ويلي دي چي د ژغورل سوو مهاجرو يو يې لږ وروسته مړ سوی دی.

د جياکومو په خبره، دغه کښتۍ چي ويل کيږي په مديترانه کي د تونس ساحل ته څېرمه ډوبه سوې ده د ژغورل سوو کسانو په حواله پکښې ۸۰ کسان سپاره ول.

که څه هم چي د دغي پيښي په اړه تر اوسه پوري دقيق معلومات نه سته خو دا خطر سته چي د يادي کښتۍ د غرقېدو په پيښه کي دي ۸۲ کسان مړه سوي وي.

د مهاجرت نړيوال سازمان (آی او ام) وياند جياکومو د معلوماتو له مخي دغه پناه غوښتونکي د دوشنبې په ورځ له ليبيا څخه وتلي ول. د تونس ساحل ساتونکي ځواک د پنجشنبې په ورځ د دغي کښتۍ د ډوبېدو په پيښه کي د ژوندي پاته سوو کسانو د ژغورلو تلاښ پېل کړی دئ.

مديترانه سمندرگی چي د ليبيا او ايټاليا تر منځ موقعيت لري، په نړۍ کي د مهاجرت تر ټولو خطرناکه لار بلل کيږي.

د مهاجرت نړيوال سازمان د راپور پراساس په روان ميلادي کال کي تر اوسه پوري اروپا ته د رسېدو په موخه په مديترانه سمندرگي کي تر ۳۴۰ زره زيات کسان مړه سوي دي. يوازي په می مياشت کي د تونس هيواد په ساحلونو کي ۶۰ کسان ډوب سوي دي.

(N.Z/S.R(dpa,rtr