پر ایران د اسرائیل او امریکا د شدیدو بریدونو د لړۍ دوام
۱۴۰۵ فروردین ۱۵, شنبه
د تهران په نیاوران، رباط کریم او مجیدیه کې د چاودنو د غږونو اوریدل کیدو رپوټونه ورکړل شوي.
همدارنګه د «وحید آنلاین» رسنۍ د څو ویډیوګانو په خپرولو سره د تهران په څو برخو کې، له دې ډلې په دربند، د تهران په شمال غرونو کې، کلکچال او جمشیدیه کې د درنو شپنیو هوایي بریدونو خبر ورکړی دی.
د «ان بي سي نیوز» خبري شبکې د تهران د یوه اوسیدونکي په حواله رپوټ ورکړی دی چې د جمعې د ماښام او شنبې د سهار بریدونه ډیر شدید ول او «پنځه دریشمه شپه تر ټولو ویرونکې شپه» وه.
د تهران د دغه اوسیدونکو په وینا د ډیر شمیر چاودنو او د خطر زنګ دوامداره غږونو د ویرې او وارخطایئ فضاء رامنځته کړې وه.
په ورته وخت کې د اسرائیلي رسنیو د رپوټونو په حواله ایران هم پر اسرائیل خپل د بې پيلوټه الوتکو او توغندیو بریدونو ته دوام ورکړی دی.
اسرائیلي رسنیو له دې ډلې «یدیعوت آحارونوت» رپوټ ورکړی دی چې د شنبې په سهار د ایران توغندیزونو بریدونو اسرائیل ته زیان اړولی دی. د نِګِو (نقب) په صنعتي سیمه کې د ایران د بریدونو په پایله کې اور لګېدنه رامنځته شوه چې وروسته بیا د اور وژونکو له خوا خاموشه کړای شوه.
په بني براک کې یو ۴۵ کلن کس په سطحي ډول ټپي شوی او څو موټرو اور اخیستی دی.
د روش هاعین ښاروالۍ هم اعلان کړی دی چې د خوشه یې سرګولولې درلودونکي توغندي د توغول کیدو له کبله په ښار کې د برښنا پرچاو رامنځته شوی دی.