پاکستان: هندي ځواکونو یو کلیوال وژلی دی
۱۴۰۲ مرداد ۳۱, سهشنبه
د پاکستان پوځ په یوه وینا کي، هندي ځواکونه په «بې دلیلیو ډزو کولو»تورن کړي دي چي د اوربند له تړون سره په تضاد کي دي.
د هند پوځ د دوشنبې په ماښام له دغي اعلامیې سره مخالفت وکړ او وې ویل چي دغه ډزې هغه وخت رامنځته سوې، کله چي دوو یاغیانو هڅه کوله په پټه د په اصطلاح کنترول د کرښې په اوږدو کي، د هند تر کنترول لاندي کشمیر ته ورننوځي.
په وینا کي راغلي دي چي دوه شکمن کسان ټپیان سوي او یو له هغو څخه د هند ترکنترول لاندي کشمیر کي وژل سوی دی.
د هند او پاکستان ترمنځ اوربند له ۲۰۲۱م کال راهیسي تر ډیره حده مراعات سوی دی. په هغه وخت کي دواړو خواوو پریکړه وکړه چي د ۲۰۰۳م کال موافقې ته ژمن پاته سي. مخکی له هغه به دغه تړون، د پوځیانو او غیر پوځیانو د وژلو پر وخت له پامه غورځول کید.
پاکستان او هند تاریخي خو ډیره ترخه سابقه لري. په ۱۹۴۷م کال کي له بریتانيا څخه د استقلال ترلاسه کولو راهیسي، دواړي خواوی د کشمیر پرسر درې ځله یو د بل په مقابل کي دریدلي او دوه ځله یې جگړه کړې ده.
کشمیر د دغو دواړو هیوادونو ترمنځ ویشل سوی او دواړه هیوادونه یې پر دغه سیمه د بشپړ حاکمیت ادعا لري.
GP/NZ/AG