«د ښځو په پرتله نارینه مهاجر ډیر ژر یو کار پیدا کولای سي»
۱۳۹۸ خرداد ۶, دوشنبهد چارواکو په حواله له هغو ۱۱۸ زرو بیکاره مهاجرو نارینه وو څخه ۷،۷ سلنه یی په روان کال کې د دې امکان درلود چی یو کار پیدا کړي چی دا د ۲۰۱۷ کال د اپریل میاشتی په پرتله دوه برابره دی. په دې ډول نو د هغوی د کار پیدا کولو چانس تقریباً دومره لوړ دی لکه آلماني نارینه. د آلمانانو چانس ۸،۴ فیصده دی.
د بلی خوا بیا د کار په لټه کی ښځینه مهاجرو شمیر چی ۱۱ زرو ته رسیږي ، ۱،۴ سلنه یی په اپریل میاشت کی د کار چانس تر لاسه کړی. چی دا د تیرو دوو کلونو په پرتله صفر اشاریه شپږ سلنه زیاتولی ښیی خو د آلمانۍ ښځو په پرتله بیا په ښکاره ډول کموالی ښيی، يعنی د هغوی چانس۸،۱ فیصده دی.
د آلمان د کار د بازار او دندو پیدا کولو په اړه د انستیتوت پلټنی، دا دلیل راوړی چی مهاجری ښځي په تیره بیا چی کوچنیان ولري او آلماني ژبه یی سمه زده نه وی نو د ژبو کورسو ته نه سي تلای، دا ځکه چی په وړکتون کی د هغوی د کوچنیانو پالنه نه کیږي.
د خارجیانو د مدغم کیدو له پاره د آلمان د حکومت استازې، انیته ویدمن ماوڅ نوموړي ورځپاڼي ته ویلی: «هغه ښځي چی کوچني ماشومان لري، د کار یا کورس په اړه مشوره کولو پر وخت لا د هغوی مخنیوی کیږي. دا ځکه هغوی په هغه لست کی نه شاملیږی چی د کار په بازار کی دي، ډیر چانس ولري.
د نوموړې سیاستوالي په خبره، له همدې کبله باید اوس د مدغم کیدو په مقرراتو کی ښه والی رامنځته سي. ماوڅ د سه شنبه په ورځ غواړی په دې برخه کی د ټاکلو ګامونو د پورته کولو په هکله، د جرمنی د کار له وزیر، هوبیرتوس هایل سره سلامشوری وکړي.
G.P/B.S/AG