بايسکل: د ۲۰۰ کلن تاريخ سره هم د نړۍ يوه عصري وسيله

اوس په نړۍ کې ټول کال داسې غونډې جوړيږي او مراسم ترسره کيږي چې په کې چاپيريال ته د بایسکل د ګټو پر اهميت ټينګار کيږي. په آلمان کې هره مياشت د «Critical Mass» په نوم مراسم ترسره کيږي چې په زرونو بایسکل چلونکي په کې په یو منظم حرکت سره خپل انتقادي کاروان د آلمان پر ټولو لويو ښارونو ګرځوي.

سږکال د دنمارک هیواد پلازمينه کوپنهاګن ښار د نړۍ په کچه د بايسکل تر ټولو ملګري ښار ونومول شو. د دغه ښار نژدې نيم اوسیدونکي، کسبه کاران او زده کوونکي بایسکل ګرځوي.

بایسکل د کاربن دای اوکسايد د ډيريدو مخه نيسي. د آلمان د ترانسپورت وزارت اټکل کوي چې که چيرته د موټر پر ځای بایسکل وکارول شي، او يوازې ۳۰ سلنه لارې په بایسکل ووهل شي نو په کال اووه نيم ميليون ټنه کاربن دای اوکسايد کميږي.

نن ورځ نه يوازې د پاريس، روم او هامبورګ په شان مشهورو ښارونو کې څيرک کرايي بايسکلونه رایج شوي بلکه په وړو ښارونو کې هم مخ په ډيريدو دي. ځيرک بايسکلونه چې د ښار په مختلفو سيمو کې درول شوي وي په آنلاین توګه کراه کيږي او د ټاکلي وخت په پوره کيدو له فعاليته غورځي او هملته پريښودل کيږي. شرکتونه بیا دغه بایسکلونه بيرته له سيمو راټولوي.

د دغه ډول بایسکل چلونکی کولای شي د حرکت پر وخت پر بایسکل اوږود وغځيږي. د دغه بایسکل يوه ګټه دا ده چې ملا د تير مهرې له شخوالي سره نه مخ کيږي. هغه کسان چې د ګرځيدو يا بل فعاليت پر وخت د ملا له درده کړيږي، دغه بایسکل ورسره مرسته کوي چې د چلونې پر وخت د درد احساس ونه کړي.د دغه بایسکل د چلونې پر وخت لاسونه هم آزاد وي.

دغه ډول بایسکلونه ترڅنګ د دې چې يو اندازه بار انتقالولی شي، په ډيره سادګۍ د ګڼې ګوڼې ډکو واټونو کې د چلونې وړ هم دي. يو باروړنکی بایسکل کولای شي تر ۲۰۰ کيلوګرامه پورې بار ويسي. خو د بايسکل کيفيت ته په کتو دغه وزن فرق کوي.

دغه بایسکل څلور ټيره، دوه قوي بطرۍ او يو د بار وړلو له پاره د اوسپنې یا تختې صندوق لري. په ښآرونو کې ورځ تر بلې د موټرو شمير زياتيږي او دغه بایسکلونه کولای شي په ځينو حالاتو کې د موټر له پاره ډېر ښه بديل واقع شي.

برقي بایسکلونه هم چاپيريال ته او هم د چلونکي د متناسب اندام له پاره مرسته کوي.کله چې د برفي بایسکل چلونکی ستړی شي کولای شي د هغه له بطرۍ څخه کار واخلي يعنې پرته له پښو وښلو خپل سفر ته ادامه ورکړي. د دغو بایسکلونو بطري په يوه ساعت کې د ۴۰۰ واټو بريښنا ظرفيت لري او کولای شي بايسکل د ۱۰۰ کيلومتره يو ساعت په سرعت سره وځغلوي.