انځورونه: په بلوچستان کې د کوکنار ضد عمليات
د پاکستان له بلوچستان ایالت څخه هر کال د میلیاردونو کلدار په ارزښت نشه یې مواد نورو هیوادو ته قاچاق کیږي. د پاکستان سرحدي ملیشه د افغانستان سرحد ته نږدې شاوخوا سیمو کې ۳۸۰ هکټاره مځکه له کوکناور څخه پاکه کړې ده.
د په ټنونو نشه یې موادو کار و بار
د نشه يي موادو په قاچاق کې ښکیلې ډلې په ټنونو نشه يي مواد رانیسي. دغه مواد بیا د بلوچستان په امنو سیمو کې د نشه یې موادو فابریکو ته انتقالیږي او له هغه ځایه بیا جوړ شوي هیروئن په غیر قانوني شکل د نړۍ تورو بازارونو ته استول کیږي.
د ډیري گټي کار و بار
په دغه انځور کې د لورالائې ولسوالۍ د دکې سیمه لیدل کیږي. په دې سیمه کې د عملیاتو په ترڅ کې ۶۰ هکټاره مځکه د کوکنارو څخه پاکه شوه.
په بلوچستان ایالت کې د امنیتي ځواکونو د عملیاتو په ترڅ کې د کوکنارو په سلونو هکټاره مځکه واړول شوه. د دغو عملیاتو په ترڅ کې سیمه ییزو خلکو هم له امنیتي ځواکونو سره همکاري وکړه. د دغو کروندو د لمنځه وړلو له پاره له تراکتورونو څخه هم استفاده وشوه.
د کوکنارو نوي کښتونه
په لورالائې کې ډېر کوکنار کرل شوې دي. په دغه ځای کې ۱۹۰هکټاره مځکه له کوکنارو څخه پاکه شوې ده.
اکثره مځکي د سیمي د خلکو نه دي
د پاکستاني چارواکو په خبره د دغو ځانگړو عملیاتو په ترڅ کې دا روښانه شوې ده چې اکثره کرل شوي ومځکي د سیمه ییزو خلکو نه، بلکي د نورو خلکو ملکیت وو. د دغو کروندو د مالکانو پر خلاف دعوا هم شوې ده او امنیتي ځواکونو د هغو د نیولو عملیات هم پيل کړي دي.
دالبندین او شاوخوا سیمې
امنیتي ځواکونو د چاغي، دالبندین او شاوخوا سیمو کې د عملیاتو په ترڅ کې تر اوسه پورې په ۹۰ هکټاره ځمکه کې د کوکنارو کښتونه لمنځه وړي دي.
د نشه یې توکو مافیا
د دکې په سیمه کې د کوکنارو د فصل ۶۵ هکټاره مځکه واړول شوه. د نشه یې موادو مافیا له ډیرې پخوا زمانې راهیسې په دغو سیمو کې د کوکنارو په کښت او قاچاق مصروفه ول.
حاصل ته نږدې کښتونو له منځه وړل
په بلوچستان کې له افغان سرحد سره نږدې سیمو کې د عملیاتو په ترڅ کې د کوکنارو د تازه کرل شوو کښتونو ترڅنگ د دغه نبات رسیدلي کښتونه هم له منځه یوړل شول.
په ۱۹۹۹ کال کې پاکستان له کوکنارو پاک وو
د رسمي شمیرو پر اساس پاکستان په ۱۹۹۹م کال کې په نړیواله کچه له کوکنارو څخه پاک هیواد گڼل شوې وو، خو اوس یې په دغه هیواد کې کښت ډیر شوی دی.
د کوکنارو کښت او افراطیت
په مکران ډویژن کې د نشه یې توکو(هیروئن) له قاچاق څخه ترلاسه کیدونکو پيسو ډیره برخه یاغیانو ته ورکوي. افراطیان بیا په دغو پيسو وسلې او تجهيزات رانیسي.
د نشه یې موادو کروندگر او سوداگر
د کوکنارو د کښت پر ضد د دغو عملیاتو په ترڅ کې له مختلفو سیمو څخه ۴۵ تنه نیول شوې دي. دغه کسان د کوکنارو په کښت، پیر او پلور کې په لاس درلودلو تورن دي.
تر۲۵۰ زور ډیر خلک په نشو اخته دي
په بلوچستان کې د کوکنارو د کښت تر څنگ په نشه یې موادو د اخته کسانو په شمیر کې هم د پام وړ ډېرښت راغلی دی. د غیر رسمي ارقامو پر اساس په بلوچستان ایالت کې تر۲۵۰ زور ډیر خلک په نشو اخته دي چې د هغو له جملې څخه ۸۰ زره یې هیروئن استعمالوي.