آلمان پولنډ ته د دافع هوا سیستم انتقالول پيلوي
۱۴۰۱ دی ۲۶, دوشنبه
اعلان
د آلمان د دفاع وزارت په پولنډ کې د پاتریوت په نوم دافع هوا سیستم نصبول پيل کړل. د آلمان خبري آژانس د دغه هیواد د امنیتي کړيو په حواله ليکلي دي چې لومړي سرتیري به د دوشنبې په ورځ له خپلو نقليه وسايلو سره روان شي. په راتلونکو ورځو کې به سیسټمونه هم ګاونډي هیواد ته ولیږدول شي. د پاتریوت په نوم دافع سيستم د اوکراین پولې ته نږدې د ناټو متحدینو مهمو زیربناو د خوندي کولو له پاره تيار شوي دي. پر دې سربیره به آلمان اوکراین ته پاتریوت دافع هوا سیستم هم ورکړي.