د ترکیې جمهوررئیس اسراییل «تروریسټي دولت» وباله | آلمان او نړۍ | DW | 09.05.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

د ترکیې جمهوررئیس اسراییل «تروریسټي دولت» وباله

د ترکیې جمهوررئیس، رجب طیب اردوغان د جمعې د ورځي په ماښام په بیت المقدس کي د فلسطینیانو او پولیسو ترمنځ کشمکشونو او اخوډبونو وروسته اسراییل یو «تروریسټي دولت» وباله.

اردوغان پرون شنبه (د می میاشتي اتمه) په استانبول کي د اسلامي دولتونو او بین المللي ټولني څخه وغوښتل چي د اسرائیلو په مقابل کي مؤثر اقدامات تر سره کړي. هغه وویل چي «ظالم او تروریسټي دولت اسرائیل په بیت المقدس کي په ډیر بې رحمانه او غیر اخلاقي ډول سره پر مسلمانانو باندي حملې کوي.»

ترکیې د ملګرو ملتونو، د اسلامي هیوادو د همکارۍ سازمان او نورو سازمانو څخه غوښتنه کړې ده، چي په دې موضوع کي فعاله سي. په انقره کي د اسرائیلو د سفارت مخته د جمعې ورځي په ماښام په سلهاوو خلګو په بیت المقدس کي د امنیتي قواوو د چلند پرضد احتجاجونه وکړل.

Türkei Präsident Recep Tayyip Erdogan

د ترکیې جمهوررئیس، رجب طیب اردوغان

پدې منځ کي پرون شنبه شپه بیا په بیت المقدس کي کشمکشونه رامنځته سول. ځوانانو پر پولیسو باندي ډبري وروغورځولې، اورونه یې بل کړه او هغه ممانعتونه یې لیري کړل، چي زاړه ښار ته یې لار بندوله. پولیسو یې بیا په مقابل کي د سپرو قواوو، د اوبو شيندونکو او د سترګو برېښونکو لاسي بمونو څخه کار واخیست. د فلسطین سرې میاشتي وروسته د ۵۳ کسانو د زخمي کیدو خبر ورکړ. اسرائیلي پولیسو ویلي دي چي حداقل یو تن یې زخمي سوی دی.

د جمعې ورځي په شپه په بیت المقدس کي د سړک پر سر نښتو او کشمکشونو کي حداقل ۲۰۵ فلسطینیان او ۱۷ اسرائیلي پولیس ټپيان سوي وه.

د دغو کشمکشونو انګیزه د هغي مځکي عضب دی، په کومه کي چي فلسطینیان اوسیږي، خو یهودي ناقلین یې د ملکیت ادعا کوي.