صربستان کي ډزي ـ زيات مهاجر خوندي ځای ته بېول شوي
۱۴۰۱ آذر ۶, یکشنبه
په بلګراد کي د پوليسو مرستيال مشر دراګان واسيلويچ له سرحد څخه د مهاجرو د انتقال په هکله معلومات ورکړي دي.
هغه وويل چي د پنجشنې په ورځ (د ۲۰۲۲ کال د نوامبر ۲۴ نېټه) د مهاجرو او قاچاق وړونکو تر منځ د هنګري پر سرحد په ډزو کي شپږ تنه ژول شوي ول. د هغه په وينا په ښکيلو کسانو کي د افغانستان او مراکش ابتاع شامل ول. د پوليسو د دغه چارواکي په وينا په قضيه کي توپک، توپنچې او مرمۍ هم ضبط کړل شوي دي.
مهاجرت: برلین او بروکسل پر صربستان باندي فشار لوړوي
د بالقان په نوم د مهاجرت لاره چي ورباندي زيات شمېر مهاجر اروپايي اتحاديې ته ځان رسول غواړي، تر صربستان او هنګري هيوادونو تېريږي. د چارواکو په وينا د تېر کال په پرتله سږکال د بالقان پر مسير د مهاجرت کوونکو شمېر دوه چنده زیات شوی دی. د پوليسو بيلو منابعو دغه خبره تائيد کړېده.
د هنګري هیواد له ۲۰۱۵ کال راهيسي کوښښ کوي چي و سرحد ته د ناقانوني داخيلېدونکو مخه ونيسي. دغه هيواد په همدې مقصد د صربستان سره پر خپله پوله وسپنيزه جګې کټارې او موانع جوړې کړي دي.
صربستان پناه غوښتونکي اخراج کړل ـ خو اروپايي ټولنې ته
په سلونو هغه مهاجر چي غواړي هنګري ته واوړي، هغوی په صربستان کي په کږديو او خرابو کي د خپل چانس په انتظار شپې او ورځي تېروي. هغوی د قاچاق وړونکو په مرسته هڅه کوي چي تر سرحد و هنګري ته واوړي. د هغوی کېږدۍ په صربستان کي دننه د هنګري و پولې ته نژدې کليو کي ولاړي دي. خو اکثره دغه مهاجر له پولي څخه په اوښتلو کي ناکامه کيږي.
د مهاجرو او قاچاق وړونکو تر منځ په تکراري او دوامداره توګه لانجې رامنځته کيږي چي بيا په تاوتريخوالي هم اوړي. د بېلګي په توګه په جولای مياشت کي يو مهاجر په تاوتريخوالي کي ووژل شو.
آ./ا.ا./ن.ص.