په سعودي عربستان کې د ښځو لومړی نړيوال ټورنمنټ ترسره کيږي
۱۳۹۹ مهر ۸, سهشنبهد سعودي خبري آژانس د دوشنبې په ورځ ويلي دي چې په سعودي عربستان کې به په نومبر مياشت کې د کرونا له محدوديتونو راهیسې د لوبو لومړی دغه ډول ټورنمنټ ترسره شي.
د ښځينه اروپايي لوبغاړو تر چتر لاندې ترسره کیدونکي دا مسابقې به په سعودي عربستان کې د گالف د ښځو لومړۍ مسلکي لوبې وي.
دغه داوړه سیالۍ به د بحره الحمر يا سره سمندر پر غاړه د پاچا عبدالله په ښارگوټي کې ترسره شي.
د آرامکو سعودي د ښځو نړيوالې لوبې به د نومبر له ۱۲ څخه تر ۱۵ نیټې پورې ترسره شي چې د يو ميليون ډالرو نغدي جایزه هم لري. دا سيالۍ په اصل کې د روان میلادي کال په مارچ مياشت کې باید ترسره شوی وای او تمه وه چې د گالف تر سلو زيات لوبغاړي پکې گډون وکړي خو د کرونا د وبا له وجې دغه سيالۍ وځنډول شوې.
اړونده موضوع: په سعودي کې د لومړي ځل له پاره د ښځو د کشتي سیالي کیږي
د سعودي نړيوالو ښځو په نوم لومړی ټورنمنټ به بيا د نومبر له ۱۷ څخه تر ۱۹ نیټې پورې ترسره شي. د دغه سيالۍ گټونکي ته به نيم میليون ډالر ورکړل شي.
په دې سياليو کې به په ټولیزه توگه ۳۶ لوبډلې برخه ولري چې هره يوه به یې ۴ غړي ولري. په دې ترڅ کې به يو په يو يا فردي مسابقې او هم د لوبډلې په کچه مسابقې ترسره شي.
ویل شوي دي چې د گالف د دغه دواړو سياليو پر وخت به روغتيايي لارښوونو ته بشپړه پاملرنه وشي. د مسابقو د همغږي کوونکو د انټرنټ پاڼې په حواله به د کرونا ويروس له کبله ټکټونه ونه پلورل شي.
زموږ له آرشيف څخه: