مادورو به د مخدره توکو د ترهګرۍ په تور محکمې ته وړاندې شي

امريکا متحده ایالاتو د وينزويلا له واکه پر ګوښه شوي مشر نکولاس مادورو، د «نارکو يا نشه يي توکو د ترهګرۍ» تورونه لګولي دي. د ولسمشر دونالد ترمپ، ادارې د همدې تورونه پر بنسټ نوموړی نیولی او نيویارک ته انتقال کړی دی.

مادورو او د هغه میرمن به د امريکا په وخت د دولسو بجو په شا او خوا کې د قاضي مخې ته د لنډو خو اړينو قانوني چارو د بشپړيدو په موخه وړاندې شي. امکان لري په امريکا کې د نوموړي د دوسیې د څيړنې دا قانوني جګړه ډېره اوږده وي.

اړونده موضوع: ټرمپ په وینزویلا کې CIA ته د عملیاتو اجازه ورکړه

نوموړی به د بروکلين له زندان څخه د منهېتن محکمې ته چې ور څېرمه پروت دی، يوړل شي. ولسمشر ترمپ، ته هم په ۲۰۲۴م کال کې په همدې محکمې کې په کاروبار کې د جعل کارۍ په تور سزا اورول شوې وه. 

د مادورو وکيلان انتظار لري چې هغوی به د نوموړي د نيول کيدو قانوني حیثيت هم وننګوياو دا دلایل به وړاندې کوي چې د يوه ولسمشر په توګه هغه له استثنی برخمن دی. 

د پاناما پوځي مشر مانويل نوريګا، هم په ۱۹۹۰ کا کې د امريکا د پوځ تر بريد وروسته د نيول کيدو په پایله کې همدا دفاع خپله کړې وه خو هغه پکې بريالی شوی نه وو. امريکا مادورو ته د وينزويلا د مشروع مشر په سترګه نه ګوري، په ځانګړي توګه د ۲۰۲۴م کال له ريفرنډم يا ټول پوښتنې راهېسې. د دغه ټاکنو وروسته له زور زياتيو ډکې مظاهرې ترسره شوې وې او په دغو ټاکنې کې یې درغلۍ تورونه لګول شوي ول. اروپايي ټولنې هم د دغو ټاکنو نتايج نه ونه منلي او مادورو یې د وينزويلا د مشروع ولسمشر په توګه په رسميت نه وو پيژندلی.

مادورو له ۱۲ کلونو څخه هم د زياتې مودې راهېسې پر وينزويلا حکومت کاوه او د ژورو اقتصادي او ټولنیزو بحرانونو د رامنځته کيدو علت ګڼل کيده. نوموړي له هغه فشار په مقابل کې مقاومت وکړ چې په هېواد کې د سياسي بدلون په موخه په داخل کې د مخالفينو او دباندنیو حکومتونو له لوري پرې اچول کیده.

اړونده موضوع: امریکا د نیکلاس مادورو د نیول کیدو جایزه ۵۰ میلیونه ډالرو ته پورته کړه

بل لوري ته د وینزويلا نوې د موقت دورې ولسمشرې ديلسي روډريګز، د پرځول شوي ولسمشر مادورو د بيرته ستنولو غوښتنه کړې ده. د يکشنبې په ماښام نوموړې د ټولنیزو رسنیو له لارې نسبتاً سوله ایزه لهجه غوره کړې وه او له ترمپ، سره یې د همکارۍ او له امريکا سره پر درناوي د ولاړو اړيکو بلنه ورکړې وه.

ولسمشر دونالد ترمپ، خبريالانو ته وويل چې که چېرې د وينزويلا حکومت د هغه له پلان سره همکاري ونه کړي نو امريکا دويمې پوځي حملې ته هم چمتو ده.

د نيول کيدو د مخه د وينزويلا ګوښه کړل شوي ولسمشر مادورو او د هغه پلویانو ادعا کوله چې امريکا غواړي د وينزويلا پر تیلو او طبيعي زیرمو باندې قبضه وکړي. امريکا د شنبې په ورځ د پوځي عملياتو په ترڅ کې لانجمن ولسمشر مادرونو او د هغه میرمن په خپل کور چې په يوه پوځي اډه کې پروت وو، ونيول.

ترمپ، ويلی دي چې امريکا په موقت ډول د وينزويلا چارې «پر مخ يوسي»، خو د بهرنیو چارو وزير مارک روبيو، د يکشنبې په ورځ وويل چې حکومت نه خو د «تيلو سیسټم به په لاس کې واخلي.»