انځویز رپوټ: د دوبۍ په نندارتون کې د هوايي صنعت نمایش

د دوبۍ نندارتون له ۱۹۸۹م کال راهیسې په هرو دوو کلونو کې یو وار جوړیږي. د روان کال نندارتون د نوامبر میاشتې له ۱۴ څخه د همدې میاشتې تر ۱۸ نیټې پورې دوام وکړ.

د نندارتون په جریان کې د مختلفو هیوادونو اکروجټ الوتکو خپل نمایشي پروګرامونه ترسره کړل. په دې انځور کې روسي جټ الوتکې د نمایش په حالت کې لیدل کیږي.

ائیربس په دې نندارتون کې څو میلیاردي تړونونه لاسلیک کړل. د هغو له جملې څخه یې له هنګري، مکسیکو، امریکا او سویلي افریقا سره د «A۳۲۱» ډوله ۲۵۵ الوتکو د پلورلو تړونونه لاسلیک کړل. همدارنګه د لیزینګ امریکایي شرکت د «A۳۵۰» ډوله الوتکو د پلورلو تړون هم لاسلیک شو.

د ائیر بس بوئینګ سره په رقابت کې د روسیې د ایرکوت تجارتي شرکت "ام سی ۲۱" د ۳۱۰ ماډل وړاندې کړی دی. د دغو الوتکو ۳۰۰ ماډل چې په ۲۰۱۷م کال کې یې خپل لومړی پرواز ترسره کړی و، زیاتره د روسېې هوایي شرکتونو یې فرمایش ورکړی دی.

د بوئینګ ۷۳۷ تر ناکامه کیدو وروسته، ټاکل شوې وه چې په روان کال کې بوئینګ ۷۷۷ ایکس د لوفتهانزا شرکت ته وسپارل شي، خو تر اوسه پورې د دې الوتکې د سپارلو نېټه نه ده معلومه. په انځور کې د دوبۍ په نندارتون کې د بوئينګ ۷۷۷ ایکس نمایش. ویل کیږي چې دغې الوتکې په ۸۰۰ ساعتونو کې ۳۴۰ ازمايښتې پروازونه کړي دي.

میرا رسنیک، چې د سیمه ایز امنیت په برخه کې د امریکا د بهرنیو چارو وزیر سلاکاره ده، پر متحده عربي اماراتو د«اف – ۳۵» ډوله ۵۰ الوتکو د پلورلو په اړه وویل: «موږ اوس له اماراتو سره د خبرو اترو په حال کې یوو چې د دغو الوتکو له سپارلو څخه مخکې او وروسته اقداماتو او ژمنو په اړه ډاډ ترلاسه کړو.»

د دوبۍ په نندارتون کې د اسرائیل غرفه. په دغه نندارتون کې د اسرائیل موجودیت له اماراتو سره د دغه هیواد د اړیکو عادي حالت ته را ګرځولو وروسته ممکن شوی دی.

روسیې د دوبۍ په سږنې نندارتون کې د پام وړ حضور درلود. دغه انځور د روسیې د ام آی-۲۸ یرغلیزې چورلکې او د هغې پورې اړوندو تجهیزاتو دی. دغه چورلکه د ځمکني اهدافو په نخښه کولو له پاره جوړه شوې ده.

د دوبۍ په نندارتون کې د روسيې د پنځم نسل جنګي الوتکي چې د سوخو- ۷۵ «کیش و مات» په نوم دي او د مخفي ماموریتونو له پاره کارول کیږي، د نندارچیانو پام ځانته را اړولی وو.

د دوبۍ په نندارتون کې د اوریون په نامه د روسیې بی پيلوټه الوتکې (ډرون). دغه الوتکي په لومړي ځل روان کال په سوريه کې وکارول شوه. دغه روسي ډرونونه په سپوږمکیو او هومینګ لیزري سیستم سمبال دي.

د برازیل ولسمشر ژایر بولسونارو، هم د دوبۍ په نندارتون کې ګډون کړی وو. برازیل، سي - ۳۹۰ ډوله باروړونکي الوتکې نندارې ته وړاندې کړې وې.

د فرانسوي شرکت «داسو» رافال جنګي الوتکي. دغه شرکت تر ۱۱ زرو ډیر کارمندان لري چې په ۲۰۱۹م کال کې یې د ۷ میلیارده او ۳۰۰ میلیونو یورو فروشات درلودل.

البته ائیربس شرکت د دوبۍ په نندارتون کې د ACJ320 یوه ډېر لوکس خصوصي جټ الوتکه هم نندارې ته وړاندې کړې وه. په دې الوتکه کې دننه تشناب یې هم طلاکاري شوی وو.