محمد اشرف غني
محمد اشرف غني تر دې مخه چې د افغانستان ولسمشر شي، پخواني ولسمشر حامد کرزي په حکومت کې د مالیې وزير وو. هغه همدا شان د کابل پوهنتون د رئيس په توگه هم دنده ترسره کړې ده.
اشرف غني د ۱۳۹۸ کال په ټاکنو کې د افغانستان د ولسمشر په توگه انتخاب شو که څه هم چې سيال یې عبدالله عبدالله د انتخاباتو پر پايلو نيوکې لرلې. هغه تر دې د مخه د «ملي يووالي د حکومت» مشر وو. د ملي يووالي حکومت د غني او عبدالله ترمنځ تر ټاکنیز جنجال وروسته د امريکا متحده ایالاتو د په منځگړيتوب رامنځته شوی وو چې اشرف غني پکې دولت مشر او عبدالله عبدالله د حکومت اجراييه رئيس وو. غني افغانستان ته تر ستنيدو د مخه په امريکا متحده ایالاتو کې د پوهنتون استاد وو او په نړيوال بانک کې یې هم دنده ترسره کړې وه.
- نیټه 24.04.2022
- موږ ته خپل نظر راواستوﺉ
- چاپ دا پاڼه چاپ کړﺉ
- لنډ لینک https://p.dw.com/p/3mn19
