په اروپایی ټولنه کي د منل سوو مهاجرو شمیر کم سوی دی | آلمان او نړۍ | DW | 05.05.2022

د دویچه ویله نوې پاڼه وګورئ

د dw.com بیټا بڼه تر اوسه پورې بشپړه شوې نه ده. ستاسې نظر د دې پاڼي په لا ښه جوړولو کې مرسته کولی شي.

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

په اروپایی ټولنه کي د منل سوو مهاجرو شمیر کم سوی دی

د اروپایي ټولنې په ۲۷ غړو هیوادونو کي د هغو کسانو شمیر چي د پناهندگۍ او یا هم حفاظت له حق څخه برخمن دي، په تیر میلادي کال کي یو وار بیا راکم سوی دی. د کم سن لرونکو ډیری پناه غوښتونکي افغانان وو.

د اروپایي ټولنې د احصایې ادارې «یوروستات» د چهارشنبه په ورځ په لوکزامبورگ کي اعلان وکړ چي په ۲۰۲۱ کال کي په دغه اتحادیه کي په مجموعي ډول ۲۶۷ زره  او ۳۶۰ تنه د پناه غوښتني له حق څخه برخمن سوي او یایې هم د حفاظت نور ډولونه ترلاسه کړي. دغه شمیر د ۲۰۲۰ کال په پرتله پنځه سلنه کموالی ښیې. د پناه غوښتونکو د حفاظت د په لاس راوړلو شمیر د ۲۰۱۸م او ۲۰۱۹ م کال په پرتله هم په ورته ډول راکم سوی وو.

آلمان د اروپایي ټولنې په کچه د ۳۳ سلني سهم په لرلو سره، پناه غوښتونکو ته تر ټولو ډیر مثبت ځواب ورکړی دی. تر هغه وروسته فرانسه ۱۷ سلنه، ایټالیا ۱۲ سلنه، هسپانیا ۸ سلنه، اتریش او یونان هر یو ۷ سلنه په لرلو سره په دغه فهرست کي دي.

د یوروستات د ارقامو له مخي، د ټولو پناه غوښتونکو نیمایي برخي په ۲۰۲۱ م کال کي د اقامت یو ډول ترلاسه کړی دی. د هغوی ۳۰ سلنه له فرعي حفاظت او نور ۱۹ سلنه له بشردوستۍ حفاظت څخه برخمن سوي دي.

په آلمان کي فرعي حفاظت هغه وخت ورکول کیږي چي د پناه غوښتونکي په خپل اصلي هیواد کي له شکنجې، سزا ورکولو او یا هم له اعدام سره مخامخ وي.

هغه کسان چي د ساتني شرایط یې پوره کړي دي، شاوخوا ۲۶ سلنه یې له سوریې، ۲۰ سلنه یې له افغانستان او ۵ سلنه یې له وینزویلا څخه ول.

د یوروستات د رپوټ له مخي، پر دې سربیره په ۲۰۲۱ م کال کي د اروپایي ټولني غړو هیوادونو، د کم سنه او په قانوني ډول بې سرپرسته پناه غوښتونکو شمیر ۲۳ زره او ۲۵۵ تنه ثبت کړی دی. دغه شمیر له هغه د مخکې کال په پرتله ، ۷۲ سلنه ډیر سوی دی. د دې دلیل ترټولو دمخه دا دی چي له افغانستان څخه ډیری کوچنیانو او تنکي ځوانانو د حفاظت غوښتنه کړې ده. په مجموعي ډول د ۲۳ زرو پناه غوښتونکو له جملې څخه، د کم عمره کسانو شاوخوا ۹۳ سلنه هلکان ول او د هغوی ۶۸ سلنه ۱۶ او یا هم ۱۷ کلن ول.

GP/SR/AG