امريکايي چارواکي وايي د بوش د ترور پلان يې شنډ کړی دی | آلمان او نړۍ | DW | 25.05.2022

د دویچه ویله نوې پاڼه وګورئ

د dw.com بیټا بڼه تر اوسه پورې بشپړه شوې نه ده. ستاسې نظر د دې پاڼي په لا ښه جوړولو کې مرسته کولی شي.

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

امريکايي چارواکي وايي د بوش د ترور پلان يې شنډ کړی دی

د امریکايي رسنیو د رپوټونو له مخي، په امریکا متحده ایالاتو کي پلټونکو د دغه هیواد د پخواني ولسمشر جورج بوش د ترور په هکله د داعش د یوه مشر طرحه خنثی کړې ده.

د امریکا متحده ایالاتو د عدلیې وزارت اعلان کړی دی چي د عراق یوه ۵۲ کلن نارینه چي په اوهایو ایالت کې اوسېد، د سې شنبې په سهار نیول سوی دی.

د امریکايي رسنیو په حواله دغه سړی د داعش د ترهگرو ملیشو ملاتړ کوونکی دی. ویل کیږي چي هغه نیت کړی وو چي د جورج بوش د ترور له پاره امریکا متحده ایالاتو ته لا زیات عراقيان قاچاق کړي.

د نوموړي وزارت په حواله، دغه تورن کس په ژمي کي د بوش له استوگنځای څخه د جاسوسۍ له پاره دالاس ښار ته سفر کړی وو.

«سی ان ان» تلویزیوني شبکې د محکمې د اسنادو په حواله رپوټ ورکړی دی چي ویل کیږي، دغه ۵۲ کلن خپله طرحه په دې دلیل چي «هغه د ډیرو عراقیانو د وژلو او ټول عراق د ویجاړولو مسوول دی»توجیه کړې ده.

د بوش د ولسمشرکيدو څو میاشتي وروسته او د ۲۰۰۱م کال د سپتمبر۱۱ ترهگري بریدونو وروسته، امريکا متحده ایالاتو « د ترهگرۍ پر وړاندي جگړه» پیل کړه.

په عراق کي د ۲۰۰۳م کال جگړه پر افغانستان باندي تر بریدونو وروسته رامنځته سوه. بوش تر ۲۰۰۹ م کال پوري د امریکا متحده ایالاتو ولسمشر وو.