یوې محکمې ترمپ دوه میلیونه ډالره جریمه کړی دی | آلمان او نړۍ | DW | 08.11.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

یوې محکمې ترمپ دوه میلیونه ډالره جریمه کړی دی

ولسمشر ترمپ له هغو پیسو څخه چې د پوځ د پخوانیو غړو له خوا د هغه خیریه سازمان ته ورکړل شوې وې، په خپل کمپاین کې کار اخیستی دی. پر نورو سربیره هغه په دې پیسو خپل یو ۱،۸ متر لوړ انځور رانیولی.

یوې محکمې د امریکا متحده ایالاتو پر ولسمشر دونالد ترمپ، باندې له دې کبله د دوه میلیونو ډالرو جریمه لګولې ده چې په خبره یې ترمپ خپل خیریه سازمان د تجارتي او سیاسي اهدافو له پاره کارولی دی. اوس نو باید دونالد ترمپ له بیلابیلو خیريه سازمانونو سره دوه میلیونه ډالر مرسته وکړي.

د منهاتن محکمې د پنجشنبې په ورځ وموندله چې ترمپ د پوځ د پخوانیو غړو له خوا د ده خیریه سازمان ته ورکړل شوې پیسې، په ۲۰۱۶ کال کې د خپل ولسمشریز کمپاین د پرمخ وړلو په موخه کارولي دي. ترمپ په ۲۰۱۶ کال کې خپل د کمپاین کارکوونکو ته اجازه ورکړې وه چې د ده له خیریه سازمان سره په همغږۍ کې د پوځ له پخوانیو کارکوونکو څخه د مرستو ټولولو یوه غونډه جوړه کړي.

په دې غونډه کې راټولې شوي ۱۰۰۰۰ ډالره، پر نورو سربیره د ترمپ د یوې نقاشۍ چې ۱،۸ متره لوړوالی لري، پر رانیولو باندې لګیدلې دي.

محکمې دغه پریکړه د نیویارک د څارنوالۍ دفتر له خوا تر یوې ۲۱ میاشتنې څیړنې وروسته، کړې ده.

پر جریمې سربیره، د ترمپ درو اولادونو ته امر شوی دی چې د خیریه سازمانونو د ادارې جبري کورسونه ونیسي. پر ترمپ لګیدلې دوه میلیون ډالري جریمه به پر اتو خیریه سازمانونو باندې وویشل شي.

(ms/ks (Reuters/AP

اعلان