په افغانستان کې هره ورځ ۲۶ ماشومان د اسهال له کبله مري

په ټول افغانستان کې هر کال ۸۰ زره تر پنځو کلونو کم عمر لرونکی ماشومان خپل ژوند له لاسه ورکوي چې د ۱۲ سلنه مړینو لامل یې اسهال دی.

په افغانستان کې د یونیسف ادارې استازې ادیلي خودر، د چهارشنبې په ورځ وویل: «د اسهال له کبله مړینې په ځانګړې توګه ځکه د خواشینې وړ دی چې په ډیرو مواردو کې یې مخه نیول کیدای شي [...] له یو تشنابه استفاده او د لاسونو مینځل په رښتیا چې د ژوند او مرګ خبره ده.»

په افغانستان کې ډیر وخت ماشومان د اسهال په څیر د درمل وړ ناروغۍ ځکه د ماشومانو ژوند اخلي چې د هغوی له ډلې څخه ۱،۲ میلیونه یې لا وختي مناسبو خوراکي توکو ته لاسرسی نه لري.

یونیسف ویلي دي چې پاکو اوبو او تشنابونو ته لاس رسی د افغانستان په کلیو او ښارونو کې ډیر اړین دي. په افغانستان کې د یونیسف استازې ټینګار کړی دی چې په دې برخه کې ځایي اوسیدونکي هم مهم نقش لوبولی شي.