که کانديد ښایسته وي، نو ډیري رایې ګټي؟ | آلمان او نړۍ | DW | 11.01.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

که کانديد ښایسته وي، نو ډیري رایې ګټي؟

یوه څیړنه ښيي چې د یوه کانديد یا کانديدي څېره د ټاکنو په ورځ ډیره مهمه وي. څیړونکو د آلمان په دوسلدورف ښار کې موندلې ده چې «جذاب» کانديد يا کانديده تر«بدرنګو» کانديدانو پنځه سلنه ډیري رای ګټلی شي.

په دوسلدورف کې ټولنپیژندونکو، د چهارشنبې په ورځ وویل چې د نوماندانو ښایست د تیرکال په سپتمبر میاشت کې د آلمان په ټاکنو کې اغیز کړی دی، ځکه د کانديدانو څیړې تر پالیسي ډیري په پام کې نیول شوي وې. په دې اړه څیړنې آن له ۲۰۰۲م کاله جریان لري چې د پروفیسور اولریش روزر، له خوا پیل شوي وې.

د جذابیت له نظره د آلمان په ټاکنو کې تر ټولو مخکښه د کین اړخي ګوند نومانده سارا واګنکنیخت، ده. دویم جذاب نوماند بیا د آزاد دیموکرات ګوند مشر کریستيان لندنر، ښول شوی دی. په دریم ځای کې د آلمان له پاره بدیل ګوند نومانده الیس وایدل، راغلې ده.

د آلمان لسو مطرح ګوندونو د نوماندانو په ډله کې لسم ځای صدراعظمي انګلا میرکل او نهم ځای بیا د آلمان د سوسیال دیموکرات ګوند مشر مارتین شولڅ، ته ورکړل شوی دی. دغه دواړو ګوندونه اوس په خبرو اترو بوخت دي چې سره یوځای یو ایتلافي حکومت جوړ کړي.

خو د ټولو کانديدانو په ډله کې تر ټولو خذاب دوه کسان دي چې په فدراله کچه ډیر شهرت نه لري: لومړی په والدیک کې د آلمان له پاره بدیل ګوند نوماند جان رالف او دویمه بیا په دورتموند کې د کین اړخي ګوند نومانده سیلین ایرلینهوفر، ده.

کوم کس ته جذاب ویل کیږي؟

په دوسلدورف کې څیړونکو ویلي دي چې د آزموینو له پاره راغوښتل شویو ۱۲ نارینه و او ۱۲ ښځو ځینې داسې نزدې خصوصیات په ګوته کړي دي چې له مخې یو نوماند جذاب بلل کیدای شي.

دغو کسانو ته د آلمان په تيرو ټاکنو کې د ۱۷۸۶ کانديدانو انځورونه ورکړل شوي چې هغوی یې د جذابیت له مخې ترتیب کړي.

لینا ماش، چې د څیړونکو له ډلې څخه یوه ده، له دویچه ویله سره په خبرو کې ویلي دي چې جذابیت یوازې د هغو کسانو په برخه کې په پام کې نه وو نیول شوی چېمخکې يې لا ډیر شهرت درلود.

تر جذابیت وروسته بیا د نوماندانو نور خصوصیات لکه د تحصیل درجه، د مهاجرت پس منظر او جنسیت په پام کې نیول شوی وو. تیرکال پروفیسور روزر، د کولن ښار «روندشو» ورځپاڼې ته ویلي ول چې انسانان «ډیر سره ورته عمل کوي» او ډیر وخت د بدن د یو شان خصوصیاتو په لټه کې وي.

روزر په دې اړه وویل: «موږ ټول به د بیلګې په توګه جولیا رابرتس، جذابه وبلو.»

ماش، ویلي دي چې له همدې کبله نو یو جذاب نوماند به د یو ډیر ناجذابه نوماند په پرتله پنځه سلنه ډیري رایې ترلاسه کړي.

په ټوله کې هغو ګوندونو چې نوماندان یې یو څه جذاب بلل کیدل، د نورو ګوندونو په پرتله درې سلنه ډیرې رایې ترلاسه کړي دي.

ماش ویلي دي چې په تیرو ټاکنو کې ډیرو کسانو ګډون کړی وو، چې په خبره یې د مولتي میدیا په اوسنې نړۍ کې دا چې د یوه نوماند په اړه څه مهم دي، بدل شوي دي.

ماش وویل: «کله چې یو کس روغ، جذاب او په ښه وضعیت کې ښکاري نو رای ورکوونکي هغه یا هغې ته د یوه داسې کس په توګه ګوري چې په ښه توګه عامه خدمتونه وړاندې کولی شي.»

AG,dw(M.J/N.Z)

 

DW.COM

اړوند مطالب

اعلان