پېښورۍ څپلۍ اوس په اروپا کې هم مينه وال لري | آلمان او نړۍ | DW | 24.04.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

پېښورۍ څپلۍ اوس په اروپا کې هم مينه وال لري

کرستيان لوبوتان د پيزار جوړولو يو مشهور ډيزاينر دی. دې فرانسوي ډيزاينر اوس له پېښورۍ څپلو څخه په الهام اخيستلو سره همدا ډول څپلۍ جوړي کړي دي. پېښورۍ څپليو ته د قبايلي سيمو د لاسي کار د يوه شهکار په سترگه کتل کيږي.

کرستيان لوبوتان يوه مياشت مخکې د ټولنیزي رسنۍ انستاگرام له لارې ويلي ول: «ډېر ژر به د بوټونو يو نوی ډيزاين معرفي کړو. دغه ډيزاين مو د پاکستان د پېښوريو څپليو تر خوښيدو وروسته جوړ کړی دی.»

د پېښوريو څپليو ښايسته لاسي کار هيڅ مثال نه لري. ډېرو خلکو د لوبوتان دا نوې هڅه ستايلې او خوښي يې پرې څرگنده کړې ده، خو ځينو پرې بيا انتقاد هم کړی دی.

څپليو ته په پاکستان کې له پخوا راهيسې د پښتنو د پيژندگلوي په سترگه کتل کيږي. دا د عامو خلکو او کار کوونکو څخه نيولې بيا د هېواد تر سياسي او ممتاز قشره، د هر چا خوښيږي.

د لوبوتان د ډيزاين شويو څپليو بيه ۵۰۰ ډالر ده په داسې حال کې چې د پېښورۍ څپلۍ بيه پنځنيم ډالره کيږي.

Pakistan Fashion Lifestyle - Chacha Noor Dins Schuhen (Getty Images/AFP/A. Majeed)

پېښورۍ څپلۍ په ټول پاکستان کې شهرت لري

پر انستاگرام چې کله پر دې څپليو نيوکې وشوې نو لوبوتان هغه ټول پوستونه پاک کړل او ويې ليکل: «موږ د يوه بل کلتور عکاسي نه کوو، بلکې دا مو له يو بل کلتور سره د مينې څرگندول دي.»

لوبوتان خپلو مينه والو ته د امن او سولې د پيغام په ورکړې سره وويل: «نړۍ او په نړۍ  کې موجود انفراديت زما د کار بنسټيزه برخه ده. زما د پاکستان دا دود خوښ شو او دا ډيزاين مې جوړ کړ. زما دا ډيزاين په اصل کې لاسي کار، هنر، قديمي دودونو او بېلا بېلو کلتورونو ته درناوی کوي.»

Pakistan Fashion Lifestyle - Chacha Noor Dins Schuhen (Getty Images/AFP/A. Majeed)

پېښورۍ څپلۍ د عام سړی نیولې بيا تر سياستوالو او تجارانو هر څوک خوښوي

په ۲۰۱۴م کال کې يوه بريتانوي ډيزاينر پاول سمت هم د پاکستاني څپليو په څير يو ډول پيزار پرته له دې چې د اصل په اړه معلومات ورکړي، معرفي کړی وو چې له امله یې د پاکستاني رسنيو له خوا پر نوموړي سخت انتقادونه وشول.

B.S/N.Z (afp)

زموږ له آرشيف څخه:

DW.COM

اعلان