په کاناډا کي د پناه غوښتنه په بې ساري توګه زیاته شوې | اروپا ته مهاجرت | DW | 18.04.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

په کاناډا کي د پناه غوښتنه په بې ساري توګه زیاته شوې

په کانادا کي د پناه غوښتنه زیاته شوې ده. په دې هيواد کې د پناه غوښتونکو ادارې د معلوماتو له مخې دا په داسي حال کي ده چي په امريکا کې له هايتي څخه د پناه غوښتونکو موقتي ويزې فسخ اعلان کړي دي.

په کاناډا کې  سیمه ايز څيړنيز مرکز پيو څرګنده کړې ده چې په ۲۰۱۷م کال کې د پناه غوښتونو شمير يو نوې ريکارد جوړ کړې او د ۲۰۱۶م کال سره د پرتلنې له مخې يې شمير تر دوه چنده زيات شوی دی. په تيرکال کې له ۵۰۴۲۰ ثبت شوی پناه غوښتنو څخه ستر شمير يې له هايتی هيواد څخه وو. 

په کاناډا کې د پناه غوښتونکو ادارې د معلوماتو له مخې له هايتې څخه د پناه غوښتنو په شمير کې ډېرښت په مستقيم ډول په امريکا کې د هغوی د استوګنې له قانوني وضعيت سره تړاو لري. په ۲۰۱۷م کال کې د امريکا ولسمشر دونالد ترامپ له هايتي څخه پناه غوښتونکې چې شمير يې ۴۶ زره کسان ول، د اوسیدنې موقتي ويزې فسخ اعلان کړي چې د د غو پناه غوښتونکو له پاره ورکړل شوو ويزو قانوني وخت په ۲۰۱۹م کال کې پاي ته رسیږي.

د روان ميلادي کال له پيل راهیسې کاناډا، له مرکزي امريکا څخه د پناه غوښتونکو مخ پر ډيريدونکي شمير ته چمتووالې نيسې. ځکه په پام کي ده چې په امريکا کې د السلوادور د ۱۹۵۰۰۰ مهاجرو له پاره به د اوسېدني موقت پروګرام هم فسخه شي.

دغه راز په کاناډا کې د هايتي تر وگړو وروسته په تير کال کې  له نايجريا څخه (۴۴۷۵) او له ترکيې څخه (۲۱۹۷) تر ټولو زيات شمير کسانو د پناه غوښتنه کړي ده. په ټوله ايزه توگه په کاناډا کې د پناه غوښتنه د دغه هيواد د مهاجرت ادارې له تاسیس راهيسي تر اوسه بې سارې ده.