په هرات کې د هلپ دفتر مسولين وايې چې د افغانستان په څلورو ولایتونو کې یې ۲۳۰۰ بې بضاعته، بې سرپرسته کمکي ځوانان د خپلو پروګرامونو تر پوښش لاندې نيولې دي.

د هلپ مرستندویه سازمان د سرچينو په حواله د دغه پروګرامونو تر پوښښ لاندې کسانو ته بیلا بیلي مسلکي زده کړې لکه خیاطي، قالین اوبدلو او ارایشګرۍ په برخه کې زده کړې ورکول کيږې.

دغه پروژه ډیر آسیب پذیره ماشومانو او يا يې د کورنۍ یوه غړي ته د دوه کالو په موده کې د مسلکي زده کړې له پاره لار برابروي.

د جرمني هلپ موسسه د اروپايي اتحاديې په ملاتړ په افغانستان کې فعالعيت کوي.

دغه کسان بیلا بیل مسلکونه زده کوي. لکه خیاطي، آرایشګري، قالین اوبدل، د ودانیو د برق چارې او د موبايل ترمیمول.

د هلپ سازمان مسوولین زیاتوي چې د مسلک زده کونکو ته به د شپږو مياشتو له پاره د کسب او کار د رامنځ ته کولو په برخه کې لارښوونه وشي.

په هرات کې د «هلپ» مرستندويه سازمان مسووله الهه فروتن، وايې چې دغه دوره شپږ مياشتنۍ ده او په هره مياشت کې زده کونکو ته ۲۵۰۰ افغانۍ ورکول کيږې. د هغې په وینا هغه کسان چې مسلکي زده کړې بشپړې کړي، د کار بازار ته د داخلیدو فرصت هم موندلی شي.