په نایجریا کې یوه ځانمرگي برید لس تنه وژلي دي | دويچه ويله پښتو | DW | 29.10.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

په نایجریا کې یوه ځانمرگي برید لس تنه وژلي دي

د نایجریا هیواد په شمال کې د کاتولیکانو په یوه کلیسا کې د یوه ځانمرگي برید په پایله کې لږ تر لږه ۸ تنه وژل شوي دي. د رسمي مقاماتو د وینا له مخې د کادونا په ښار کې په دغه چاودنه کې ۱۴۰ تنه ټپیان شوي هم دي. د دغه هیواد د امنیتي کړیو په حواله ځانمرگي برید کوونکي یو جیپ موټر چې چاودیدونکي توکې په کې ځای پر ځای کړای شوي وو له کلیسا سره جنگولی دی.

پر دې سربیره د مسلمانانو او عیسویانو تر منځ په اخ او ډب کې هم دوه تنه وژل شوي دي. د نایجریا ولسمشر گودلک جانتان، دغه عمل بیرحمانه بللی دی. لا تر اوسه کومې ډلې د دغه برید پړه پر غاړه نه ده اخیستې. زیاته شوې ده چې تر دې دمخه په نایجریا کې دغسې بریدونه د «بوکوحرم» په نوم د تندلارې ډلې له لوري تر سره شوي دي.