په غور کې د ټاکنو کمیسیون برمته شوي کارکوونکي آزاد شول | افغانستان | DW | 20.04.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

په غور کې د ټاکنو کمیسیون برمته شوي کارکوونکي آزاد شول

چارواکو ویلي دي چې په غور ولایت کې د ټاکنو کمیسیون د نوم لیکنې له یوه مرکز څخه پنځه برمته شوي کسان د ځایي مشرانو په منځګړیتوب آزاد شوي دي. په برمته شوي کسانو کې د ټاکنو کمیسیون غړي او یو پولیس شامل ول.

وسله والو کسانو د سه شنبې په ورځ په غور ولایت کې د نوم لیکنې پر یوه مرکز باندې برید وکړ او د ټاکنو کمیسیون درې غړي او دوه پولیس یې برمته کړل. د غور د پولیسو ویاند اقبال نظامي، د برید پړه پر طالبانو باندې واچوله چې ټاکنو ته د چمتوالي نیولو بهیر له پیل راهیسې په دغه شان یوه مرکز باندې لومړی برید وو.

نظامي د فرانسې خبري آژانس ته ویلي دي چې ځايي مشرانو له طالبانو سره خبرې کړي او هغوی یې د برمته نیول شویو کسانو آزادولو ته راضي کړي دي. هغه ټینګار کړی دی چې د دغو کسانو د آزادي په بدل کې طالبانو ته پیسې نه دي ورکړل شوي.

د ټاکنو د خپلواک کمیسیون ولایتي مشر فضل الله جلالي، هم تایید کړې ده چې د هغه کارکوونکي او پولیس آزاد شوي دي. د هغه په خبره تر برید لاندې راغلي مرکز کې به تر هغه وروسته چې امنیتي چارواکي ډاډ ورکړي، یو ځل بیا کار پیل کړي.

اعلان