په شتراسبورګ کې تر پيښې وروسته نور کسان نیول شوي | آلمان او نړۍ | DW | 18.12.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

په شتراسبورګ کې تر پيښې وروسته نور کسان نیول شوي

شتراسبورګ ښار ته څیرمه په کرسمس بازار کې د رامنځ ته شوې ترهګریزي پیښې په تړاو دوه نور کسان نیول شوي دي. پر دغو دواړو باندې شک دی چې د وسلې په برابرولو کې یي مرسته کړې.

د فرانسې قضایي کړیو دا خبر تائید کړی دی چې د شکمن عامل شرېف چیکات، سره تړلی دریم شکمن کس پر ضد تحقیقات پيل شوي دي. دغه کس لا تر مخه نیول شوی وو. زیاته شوې ده چې پر نورو سربیره د دغه کس پر ضد په یوه ترهګر سازمان کې د ګډون له امله پلټنې کیږي.

شکمن کس په توقیف کې دی. نوي پیل شوي تحقیقات ښایي په جزايي پروسه واوړي، که چیرې تحقیق کوونکي د تورن کس پر وړاندې کافي شواهد ولري. په بل صورت کې هغوی کولای شي چې دغه پروسه ودروي.

د تیرې سه شنبې په ورځ شتراسبورګ ته څیرمه په رامنځ ته شوې پيښه کې د وژل شوو کسانو شمیر اوس پنځو تنو ته لوړ شوی دی. په پيښه کې تر لسو زیات کسان ټپیان شوي هم وو. شکمن عامل شرېف چیکات، د تیرې پنجنشنبې په ورځ په شتراسبورګ کې د پولیسو سره د متقابلو ډزو په پایله کې ووژل شو.

داسې نخښې نښانې مخ پر زیاتیدو دې چې نوموړی ۲۹ کلن د داعش پلوي وو. په دې اړوند د هغه پلار هم څرګندوني کړي دي.

د دغه برید تر ترسره کیدو وروسته تحقیق کوونکو په موقتي ډول شپږ کسان نیولي وو، خو د فرانسوي رسنیو د رپوټونو له مخې دغه کسان اوس بیرته آزاد شوي دي.

س.ر/م.س (dpa, afp)

اعلان