په زرونو مهاجر د خپلو کورنیو غړي لټوي | اروپا ته مهاجرت | DW | 28.12.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

په زرونو مهاجر د خپلو کورنیو غړي لټوي

د آلمان د سره صليب په انټرنټ پاڼه کې د هغو مهاجرو شمیر چې د خپلي کورنۍ غړي یې ورک کړي دي، ریکارد ته رسیدلی دی. شاوخوا د۱۰۰۰ کم سنه بې سرپرسته ماشومانو کورنۍ خپل ماشومان لټوي او یا ماشومان خپلې کورنۍ.

په آلمان کي ډېر مهاجر ورک یا لادرکه شوي دي. د دوی د کورنۍ غړي او خپلوان کوښښ کوي چې د آلمان د سره صليب د لټون د خدماتو انټرنټ پاڼې (DRK) له لاري يې پيدا کړي.

د روان ۲۰۱۷ م کال له جنورۍ مياشتي د دسمبر میاشتې تر نیمایې پورې په دې انټرنټ پاڼه کې د۲۷۰۰ تنو د لټون له پاره نوي غوښتنلیکونه وړاندې شوي دي. دغه ارقام د "Die Welt" آلمانۍ ورځپاڼې د DRK د لټون خدماتو د ابتدایې بیلانس په حواله د ورکړل شوو معلوماتو پر بنسټ خپاره کړي دي.

په ۲۰۱۵ م کال کې کله چې آلمان ته د مهاجرو د راتګ لړۍ خپل اوج ته رسیدلې وه په هغه وخت کې دغه شمیر ۱۰۵۳ وو.

د DRK یا د آلمان د سره صلیب مشره ګیردا هاسلفیلدت، د یوه اندیښمن پرمختګ خبره کوي: «تر ټولو بیرونکې خو د هغو بی سرپرسته کم سنه ماشومانو لوړ شمیر دی چې یا خو پخپله د خپلو خپلوانو په لټه کې دي او یا هم دوی د هغو له خوا لټول کیږي». دا خبره هاسلفیلدت د «دي ولټ» ورځپاڼې سره په خپله مرکه کې کړې.

د هاسلفیلدت، په خبره په دې کې تر ۱۰۰۰ ډیري نجوني او هلکان دي. د تیرکال په پرتله د لټونو په شمیر کې کوم بدلون نه دی راغلی.

Spanien minderjährige Flüchtlinge nach Mittelmeer-Überfahrt (Getty Images/AFP/J. Guerrero)

سږ کال تر ۸۰۰۰ ډیر بی سرپرسته کم عمره مهاجر ماشومان آلمان ته راغلي دي

نوموړې زیاتوي ډیري هغه مهاجر چې په آلمان کې یې د خپلو کورنیو د غړو د لټون له پاره عریضې وړاندې کړي دي د افغانستان، سومالیا او سوریې هیوادونو اتباع دي: «د کورنیو له پاره تر دې ډیر بدتر به څه وي چې نه پوهیږي د کورنۍ غړی یې ژوندی دی او یا هم څه ورته پیښ شوي دي؟»

د لټون د خدماتو د دغې مشرې په خبره د کورنۍ د غړو د هر دوهم لټون په هکله د DRK-Suchdienst یا د آلمان د سره صلیب د لټون انټرنټي خدمات کولی شي مرسته وکړي او یا هم لږ تر لږه معلومات وړاندي کړي. خو د لټون د ډیرو مواردو په اړه له بده مرغه باید فرض کړو چې دوی به د مهاجرت پر مهال خپل ژوند له لاسه ورکړی وي.

نوموړۍ په دې هکله د توضیحاتو په ترڅ کې وویل: «د مهاجرت په مختلفو مسیرونو کې د وژل شوو کسانو تشخیصول همیشه ممکن نه وي، له همدې امله د ډیرو داسې کسانو د برخلیک په هکله وضاحت همداسې نامعلوم پاتيږي».

dpe,AFP(S.N/N.Z)

زموږ له ارشيف څخه:

DW.COM