په آلمان کې يوه مسجد ته اور اچول شوی دی | اروپا ته مهاجرت | DW | 12.03.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

په آلمان کې يوه مسجد ته اور اچول شوی دی

د آلمان په پلازمينه برلين کې د ترکانو يو مسجد ته اور اچول شوی دی. د پوليسو په حواله پيښه په راینکن ډورف سيمه کې رامنځته شوې ده چې مسجد ته پکې ډير زيان رسيدلی خو څوک پکښې نه دي ژوبل شوي.

د خپرو شويو رپوټونو په حواله دغه مسجد ته د اوراچونې مواد اچول شوي چې له امله يې د مسجد دننه برخه سوځيدلې ده. پوليسو دا نه دي ويلي چې په دغه اور لګيدنې کې د کومې ډلې لاس دی.

د لمړنيو معلوماتو له مخې، دغه مسجد ته د يکشنبې په ورځ اور اچول شوی دی او د دې امکان شته چې د مسجد منځ ته د اورلګيدنې موادو په غورزولو کې درې کم سنه هلکان لاس ولري.

د پيښې په اړه څيړنې پيل شوي دي خو کیدای شي د دغې پيښې تر شا سياسي موخې او تحرکات وي. سوځول شوی مسجد د ترکيې دولت د يوې مذهبي ډلې «ديتيپ» تر ادارې لاندي دی.

د مسجد د ادارې له خوا په يوه خپاره شوي بيان کې ويل شوي دي چې د مسجد دننه برخه نژدې بشپړه سوځيدلې او ايره شوې ده. په ترکيه کې د مسلمانانو ټولنې تر دغې اورلګيدنې وروسته د آلمان له حکومت څخه غوښتي دي تر څو د مساجدو د ژغورنې له پاره امنيتي تدابير زيات کړي.

Deutschland Brandanschlag auf Moschee in Berlin (picture-alliance/dpa/P. Zinken)

د مسجد د ادارې په يو بيان کې ويلي دي چې د مسجد دننه برخه نژدې بشپړه سوځيدلې او ايره شوې ده.

په تيرو دوو ورځو کې پر دوو نورو مسجدونو باندې هم د اور لګيدونکي مواد اچول شوي دي. د پوليسو په وينا دغه پيښي د ميشيډې او لاوفن په نوم سيمو کې رامنځ ته شوي دي چې د هغو په اړه هم پلټنې روانې دي.

ورته مطالب:

په آلمان کي پر مسلمانانو او مسجدونو بریدونه

د آلمان په ټاکنو کې کومې موضوعګانې د مسلمانانو له پاره مهمې دي
د آلمان حکومت له خوا د يو تازه خپاره شوي بيان په حواله، تيرکال په دغه هيواد کې پر مسلمان نارينه وو، ښځو او مسجدونو باندې نژدې زر حملې ترسره شوي دي، خو کارپوهان بيا وايي چې د پيښو اصلي شمير به تر دې هم ډير وي. د خپرو شويو ارقامو مطابق، نژدې ټولې دغه پيښې د آلمان د ښی اړخې افراطيانو له خوا ترسره شوي دي.

په يادو حملو کې مسلمانانو ته په ليکلې بڼه د اخطارونو ورکول او همدا ډول هغو ميرمنو ته چې ټيکري يې پر سر وي او يا هم په عامه ځايونو کې د مسلمانانو پر وړاندې د نفرت ښکاره کولو پيښې هم شاملې دي. د تيرکال په حملو کې لږ تر لږه ۳۳ کسان ټپیان شوي ول.

په آلمان کې پر مسلمانانو باندې د حملو د ارقامو ټولو سلسله تيرکال پیله شوه، ځکه خو د مخکيني کلونو سره يې پرتله نشي کيداي. تر دې وړاندې د آلمان د « دې لينک» سياسي ګوند د داخلي سياست د چارو کارپوهې اولا ژيليکې ويلي ول: «د اسلام مخالفان اوس له کوڅو څخه ووتل او تر پارلمانه يې ځانونه رسولي دي. دوي د پارلمان له موقف څخه په ګټې اخيستنې په آلمان کې د مسلمانانو ژوند په زهرو باندي بدلوي.»

موضوع سره نژدې، زموږ له آرشيف څخه يو انځوريز البوم:

 

DW.COM