پاکستان کې موسمي بارانونو ډیر کسان وژلي | سيمه | DW | 04.04.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سيمه

پاکستان کې موسمي بارانونو ډیر کسان وژلي

په پاکستان کې یو ځل بیا د موسمي بارانونو له کبله ډیر شمیر انسانانو ته مرگ ژوبله اوښتي ده. چارواکي د ناسم وضعیت له کبله د قربانیانو د شمیر د لوړیدو اټکل کوي.

د خبري آژانسونو د رپوټونو له مخې تر ټولو زیات د ورښتونو له کبله د پاکستان شمال لویدیځ اغیزمن شوی دی. په لیرو پرتو ځایونو کې د سیلابونو او ځمکې ښویدنې رپوټونه ورکړل شوي دي. د چارواکو په وینا لږ تر لږه ۴۵ تنه وژل شوي دي او تر ۳۴ زیات کسان لادرکه دي. ځیني خبري آژانسونو د وژل شوو کسانو شمیر ۵۳ تنه ښوولی دی.

پیښور ته څیرمې سیمې هم سختو بارانونو ځپلي دي

پیښور ته څیرمې سیمې هم سختو بارانونو ځپلي دي

د پاکستاني ادارو په وینا په خیبر پښتونخوا ایالت کې په ډیر شمیر سیمو کې تر ۴۰ زیات کورونه ویجاړ شوي دي. داسې اندیښنه شته چې ښایي د قربانیانو شمیر تر دې هم لوړ شي، ځکه چې د لیرې پرتو سیمو څخه لا پوره معلومات نه دي تر لاسه شوي څو د ویجاړیو کچه معلومه کړی شي.

Peschawar Schwere Regenfälle in Pakistanله لرگیو او خټو کوډلې چې د سیلابونو پر وړاندې یې د دریدو مقاومت نه درلود

له لرگیو او خټو کوډلې چې د سیلابونو پر وړاندې یې د دریدو مقاومت نه درلود

تر ټولو سخت بارانونه د یکشنبې په شپه وریدلي دي. په ځانگړې توگه په لیرې پرتو سیمو کې له خټو جوړ شوي کورونه د ډیرو اوبو پر وړاندې د ټینگې نه وي. په پاکستان کې هر کال د موسمي پیښو له کبله ویجاړۍ رامنځ ته کیږي، چې د سلونو انسانانو د مرگ ژوبلې سبب گرځي.

تیر کال هم په پاکستان کې د دوبي د بارانونو پر مهال ۸۱ کسانو خپل ژوند له لاسه ورکړی وو.