نن په تاریخ کې | ځانگړي مطالب | DW | 20.07.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن جمعه د جولایي د میاشتې ۲۰مه نیټه او د ۲۰۱۲م کال ۲۰۲مه ورځ ده. د کال پاې ته ۱۶۴ ورځې پاتې دي.

په تاریخ کې د نن ورځ مهمې پیښې:

د ۱۸۸۰م کال پر همدې ورځ د افغان او انگلیس دویمه جگړه پای ته ورسیده. امیر عبدالرحمان د افغانستان د نوي مشر په نوم یاد شو.

د ۱۹۲۳م کال پر همدې ورځ په مکسیکو کې انقلابي مشر فرانسکو ویلا ووژل شو.

د ۱۹۵۱م کال نن ورځ د اردن پاچا په بیت المقدس کې د یوه فلسطیني له خوا ترور شو.

د ۱۹۷۴م کال پر همدغه ورځ ترکیې د قبرس د مدیتراني پر جزیره برید وکړ.

د ۱۹۸۹م کال پر نن ورځ په برما کې سان سوچي په خپل کور کې نظر بنده کړای شوه.

د ۲۰۰۷م کال د جولایي د میاشتې پر شلمه نیټه د پاکستان سترې محکمې امر وکړ چې پرویز مشرف حق نه لري چې د سترې محکمې ریئس له دندې گوښه کړي او معزول کړای شوی قاضي القضات ئې بیرته په خپله دنده وگماره.

آژانسونه/ سید ریاض
کتونکی: عبدالباري حکیم