نن په تاریخ کې | ځانگړي مطالب | DW | 26.03.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن د دوشنبې ورځ د مارچ د میاشتې ۲۶مه نیټه او د ۲۰۱۲م کال ۸۶مه ورځ ده. د کال پای ته ۲۸۰ ورځې پاتې دي.

په تاریخ کې د نن ورځ مهمې پیښې:

د ۱۷۹۳م کال پر همدې ورځ د رومانیې امپراطورې له فرانسې سره د جگړې اعلان وکړ.

د ۱۹۱۳م کال پر نن ورځ د متحده ایالاتو د اوهایو په ایالت کې د سیلابونو له امله شاوخوا ۱۴۰۰ تنه ووژل شول.

د ۱۹۳۱م کال پر همدغه ورځ د عراق او ختیځ اردن تر منځ د دوستې تړون لاسلیک شو.

د ۱۹۷۰م کال د مارچ د میاشتې پر ۲۶مه نیټه اسلامي هیوادونو په اردن کې په یوه غونډه کې پریکړه وکړه چې یو دایمي سیکرتریات تأسیس شي.

د ۱۹۷۱م کال پر همدغه ورځ ختیځ پاکستان (اوسنی بنگله دیش) د خپلواکۍ اعلان وکړ.

د ۱۹۷۹م کال پر نن ورځ د اسرائیلو لمړي وزیر مناخم بگین او د مصر ولسمشر انور سادات په سپینه ماڼۍ کې د کیمپ ډیوډ په نوم د سولې تړون لاسلیک کړ.

د ۱۹۹۸م کال د مارچ د میاشتې پر ۲۶مه نیټه د متحده ایالاتو ولسمشر بل کلنټن لمړنی ولسمشر وو چې جنوبي افریقا ته ئې سفر وکړ.

آژانسونه/ سید ریاض
کتونکی: نجیب الله زیارمل