1. محتوا ته تګ
  2. اصلي مینو ته تګ
  3. د دویچه ویله نورو پاڼو ته تګ
Norwegen Oslo Schießerei in Moschee
انځور: picture-alliance/AP/NTB Scanpix/T. Pedersen

ناروې کې هم د اسلام ضد مظاهرو په ترڅ کې اخ و ډب رامنځته شوی

۱۳۹۹ شهریور ۹, یکشنبه

د ناروې په پلازمېنې کې تشنج هغه وخت زور واخیست کله چې د اسلام ضد مظاهرو په ترڅ کې د قرآن کریم د یوې نخسې پاڼې څیرې کړای شوې. یوه ورځ مخکې تر دې ښي افراطیانو همداسې د اسلام ضد یوه مظاهره په سویډن هیواد کې هم کړې وه.

https://www.dw.com/ps/%D9%86%D8%A7%D8%B1%D9%88%DB%90-%DA%A9%DB%90-%D9%87%D9%85-%D8%AF-%D8%A7%D8%B3%D9%84%D8%A7%D9%85-%D8%B6%D8%AF-%D9%85%D8%B8%D8%A7%D9%87%D8%B1%D9%88-%D9%BE%D9%87-%D8%AA%D8%B1%DA%85-%DA%A9%DB%90-%D8%A7%D8%AE-%D9%88-%DA%89%D8%A8-%D8%B1%D8%A7%D9%85%D9%86%DA%81%D8%AA%D9%87-%D8%B4%D9%88%DB%8C/a-54760874

د شنبې په ورځ د ناورې په پلازمېنه اُسلو کې وضعیت هغه وخت مخ پر خرابیدو شو، کله چې د اسلام مخالف مظاهره کونکو د مسلمانانو د مقدس کتاب (قرآن کریم) پاڼې څیرې کړې. پولیسو د دواړو خواو د تيت او پرک کولو له پاره اوښکي بهونکی ګاز استعمال کړ او ۳۰ تنه یې ونیول.

دغه مظاهرې د «سټاپ اسلامائزیشن اف ناروی» یا د ناروې د اسلامي کیدو مخه ونیسئ په نامه د اسلام مخالفې ډلې له خوا د پارلمان ودانۍ ته نږدې په لاره اچول شوې وې.

د آلمان خبري آژانس ډي پي ای په حواله د دې مظاهرې په خلاف هم په لسګونو داسې کسان هلته راټول شوي وو چې په خپلو شعارونو کې یې ویل «زمونږ په کوڅو کې د نژاد پرستانو ګنجایش نشته».

وضعیت هغه وخت له کنتروله ووت کله چې د اسلام مخالفې یوې ښځې د قرآن کریم پاڼې ؤڅیرلې. دغه ښځه مخکې تر دې هم د نفرت انګیزه یا د کرکې پارونکې وینا له امله جریمه شوې وه.

دغې ښځې د مخالفينو په مخاطب کولو سره په پارونکي الفاظو کې وویل «وګورئ، زه اوس ستاسې د قرآن بی حُرمتي کوم.»

تر دې وروسته هلته موجودو کسانو د اسلام مخالفین په هګیو وویشتل او یو شمیر نورو بیا د پولیسو له خوا له ودرول شویو کټارو او خنډونو څخه په تیریدو دې ښځې پورې د ځان رسولو کوښښ هم وکړ.

پولیسو چې کله ولیدل وضعیت له کنترول څخه په وتلو دی، نو د مرچو سپری یې استعمال کړ، او د اسلام ضد دغه مظاهرې یي له وخت څخه مخکې ختم کړې.

د ناورې دولتي تلویزون NRK ویلي دي چې پولیسو ۲۹ تنه نیولي دي چې اکثره په کې د کم عمر درلودونکي کسان دي.

په ناروې کې د اسلام مخالفینو له خوا دغه مظاهره په داسې یو وخت کې شوې چې د جمعې په ورځ د سویډن په مالمو ښار کې یوه ښي اړخي افراطي د قرآن کریم یوې نخسې ته اور اچولی وو.

د مالمو پولیسو د مذهبي کرکې پارونې په تور درې تنه نیولي وو. په دوی کې یو تن د اسلام مخالف سویډنی سیاستوال وو چې هغه بیا بیرته خوشی کړای شو.

د د دویچه ویله د ورځي موضوع له برخې تیريدل

د دویچه ویله د ورځي موضوع

Serbien | afghanische Boxer bitten um Asyl

جرمني: هیسن ايالت غواړي ۱۰۰۰ افغان مهاجر ومني

د د دویچه ویله نور مطالب له برخې تیريدل
کور پاڼې ته تګ