روسیه غواړي ۲۳ بریتانوي دپلوماتان اخراج کړي | آلمان او نړۍ | DW | 17.03.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

روسیه غواړي ۲۳ بریتانوي دپلوماتان اخراج کړي

روسیې ویلي چې د بریتانیا ۲۳ دپلوماتان باید د دې هیواد خاوره په یوه اونۍ کې ترک کړي. د روسیې او بریتانیا ترمنځ د اړیکو ترینګلتیا په لندن کې پر یوه جاسوس باندې د زهرجن ګاز تر برید وروسته ډیره شوې.

د روسیې د بهرنیو چارو وزارت د شنبې په ورځ (د ۲۰۱۸ کال د مارچ ۱۷مه نېټه) ویلي د بریتانیا د هغه اقدام په ځواب کې چې له خپل هیواد څخه یې د روسیې ۲۳ دپلوماتان اخراج کړي، دوی هم د بریتانیا ۲۳ دپلوماتان له خپلې خاورې اخراجوي. د دپلوماتانو د اخراج د مسئلې ترشا د بریتانیا په خاوره کې پر یوه جاسوس باندې د زهرجنو ګازو برید دی.

مسکو همدا راز ویلي چې دوی به په روسیه کې د بریتانیا سفارت هم وتړي او د دې حق لري چې که چیرته د لندن لخوا نور د دښمنۍ ډک اقدامات وشي، دوی به د بریتانیا پر وړاندې لا نور اقدامات هم عملي کړي.

په دې هکله مهم معلومات چې باید ورباندې وپوهیږو:

-     د روسیې ۶۹ کلن جاسوس سیرګي سکریپال او د هغه ۳۳ کلنه لور یولیا د روانې مارچ میاشتې په څلورمه نیټه د انګستان په جنوب کې د سالیسبري په ښار کې پر یوه چوکۍ بې هوښه وموندل شول.

-     پلټونکو وروسته وموندله چې د دوی د بې هوښۍ دلیل یو ډول زهرجن ګاز دی چې په لومړي ځل د پخواني شوروي اتحاد په لابراتوارونو کې جوړ شوی.

-     د بریتانیا لومړۍ وزیرې تیریسا مې پر روسیې باندې تور پورې کړ چې په دې برید کې لاس لري او پریکړه یې وکړه چې د روسیې ۲۳ دپلوماتان له بریتانیا اخراج کړي.

-     د شنبې په ورځ په روسیه کې د بریتانیا سفیر لاوري بریستو د روسیې د بهرنیو چارو وزارت ته احضار کړل شو او د روسیې د متقابل اقدام په هکله ورته معلومات ورکړل شول.

-     سیرګي او یولیا سکریپل تراوسه هم په ناوړه وضعیت کې په روغتون کې تر درملنې لاندې دي، د دوی سربیره د پولیسو یو مامور هم په روغتون کې دی. د پولیسو نوموړي مامور تر پیښې وروسته بې هوښه دغو دواړو کسانو ته مرسته کوله چې بیا خپله هم مسموم شوی.

Botschafter Großbritannien Laurie Bristow vor dem Außenministierium in Moskau (picture alliance/AP/A. Zemlianichenko)

د روسیې د پریکړې په اړه د معلوماتو د ورکړې له پاره احضار شوی د بریتانیا سفیر لاوري بریستو

روسیې څه ویلي؟

-     په مسکو کې د بریتانیا له سفیر بریستو سره تر ناستې وروسته، د روسیې د بهرنیو چارو وزارت د یوې اعلامیې په خپرولو سره ویلي چې د بریتانیې ۲۳ دپلوماتان باید په یوه اونۍ کې د روسیې خاوره ترک کړي.

-     د اعلاميې په حواله دغه اقدام د «بریتانیا د پاروونکي عمل» او د برید په تړاو د «بې اساسه تورونو» په ځواب کې اخیستل شوی.

-     په سانکت پیترزبورګ کې د بریتانیا د قنسلګرۍ اجازه هم بیرته اخیستل شوې.

-     که چیرته د روسیې پر وړاندې نور غیر دوستانه کارونه ترسره شي، روسیه د نورو اقداماتو پرمټ د ځواب حق لري.

کوم هیواد څومره وسلې لري، انځوریز البوم زموږ له آرشیف څخه:

DW.COM

اعلان