د راشد خان روزونکی: راشد خان به پر IPL ډیره اغیزه ولري | افغانستان | DW | 17.04.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

افغانستان

د راشد خان روزونکی: راشد خان به پر IPL ډیره اغیزه ولري

د سن رایزر حیدرآباد لوبډلې روزونکي تام مودي ویلي دي چې افغان توپ اچوونکی راشد خان به د هندوستان پر کورني لیګ IPL باندې ډیره اغیزه ولري. افغان لوبغاړي راشد خان په کم وخت کې ډیر زیات نړیوال شهرت ګټلی دی.

راشد خان په ۲۰۱۵م کال کې کله چې یوازې ۱۷ کلن وو خپله لومړي نړیواله لوبه وکړه او له هغه وخت راهیسې یې ډیر څه ترلاسه کړي دي. هغه د روان کال په فبروري میاشت کې د کریکټ د نړیوالې شورا په درجه بندي کې د شل اوریزو او پنځوس اوریزو لوبو تر ټولو غوره توپ اچوونکو شو.

تیر کال د سن رایزر حیدرآباد لوبډلې راشد خان د ۶۰۹۵۲۴ ډالرو په بدل کې په خپله لوبډله کې شامل کړ. تیرکال هغه په دې لیګ کې ډیر ښه وځلید او له همدې کبله سږ کال د هغه بیه ۱،۳۷ میلیونه ډالرو ته لوړه شوه.

د دې لوبډلې روزونکي مودي، د رویترز خبري آژانس ته ویلي دي: «راشد یو ډیر خاص کریکټر دی او هغه تیرکال زموږ سره ډیره بریا لرله.»

هغه زیاته کړه: «هغه د نړۍ په بیلابیلو لیګونو کې ډیره ښه لوبه کړې او همداراز کله چې د خپل هیواد په استازیتوب لوبه کوي نو هم ډیر ښه لوبیږي.»

د افغانستان لوبډلې هم د راشد خان په څیر په ډیر کم وخت کې ډیر څه ترلاسه کړي دي چې په وروستیو لاس ته راوړنو کې یې د راشد خان ونډه هم ډیره ده. راشد خان په وروستیو وختونو کې په خپل نوم په کم وخت کې په یو ورځنیو لوبو کې ۱۰۰ ویکټې واخلي.

مودي وايي: «هغه زموږ د لوبډلې ډیره مهمه برخه ده، ځکه چې د هغه په توپ اچوونه کې یو ډول راز موجود دی او هغه د دې توان لري چې په لوبه کې د یوه ویکټ اخیستونکي نقش ولري. له همدې کبله هغه ډیر مهم دی».

اعلان