ترمپ د کانگرس پریکړه په خپلي ويټو سره رد کړ | آلمان او نړۍ | DW | 17.04.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

ترمپ د کانگرس پریکړه په خپلي ويټو سره رد کړ

د امريکا د کانگرس دواړو مجلسونو غوښتل د یوه پریکړه لیک له لاري جمهوررئيس ترمپ له سعودي عربستان سره د همکارۍ پای ته رسیدو ته مجبوره کړي، خو ترمپ ورسره مخالفت وکړ.

د امريکا متحده ايالاتو جمهوررئيس دونالد ترمپ د کانگرس پریکړه لیک یو غیر ضروري او خطرناک کوښښ بللی دی. هغه ويلي دي چي «هغوی غوښتل د اساسي قانون مطابق زما صلاحیتونه ضعیفه کړي». پریکړه لیک سربیره پردې د امریکايي اتباعو او عسکرو ژوند ته خطر پيښوي. د کانگرس په مقابل کي د ترمپ دغه ويټو دده دوهمه ويټو ده.

د دې له پاره چي اوس بیا د جمهوررئيس له دې ویټو سره مخالفت وسي، نو د کانگرس په دواړو مجلسونو کي دوه پر دریمي برخي رایو ته ضرورت دی، هغه څه چي امکان یې ډیر لږ لیدل کیږي.

په یمن کي د امریکا د نظامي مرستو پرضد گډ پریکړه لیک

د کانگرس د دواړو مجلسونو له خوا تصویب سوي دغي فیصلې مطابق ترمپ ته لارښوونه کیدله، چي ټوله امریکايي قواوي، کومي چي په یمن کي د سعودي عربستان په رهبرۍ شخړه ایز جنگ ملاتړ کوي، د ۳۰ ورځو په جریان کي راوباسي.

د کانگرس دغه فیصله د ترمپ له پاره یوه سخته ماته بلل کيږي، ځکه چي هغه د جمهوررئيس په نظامي سیاست کي یوه مستقیمه مداخله ده.

امريکا متحده ايالات په یمن کي د سعودي عربستان په رهبرۍ جنگ څخه د نورو ترڅنگ د استخباراتي معلوماتو په ورکولو سره د هغه ملاتړ کوي.

کانگرس په خپل پریکړه لیک کي همدارنگه دې ته اشاره کړې ده، چي د امریکا نظامي عملیات بې له پارلمان د اجازې څخه تر سره کیږي.

خو یوازي پارلمان ددې حق لري، چي امریکايي عسکر یوه جنگ ته ولیږي او نه جمهوررئيس. پردې سربیره په خبره یې د سعودي عربستان هوايی بمباریو په یمن کي بشري بحران تشدید کړی او په هغه کي ډیر ملکي خلگ وژل سوي دي.

Betanken eines Flugzeugs (AP)

په  پریکړه لیک کي دا هم راغلي وه، چي امریکايي نظامي الوتکي دي په هوا کي هغو الوتکو ته تیل نه ورکوي، چي د یمن په عملیاتو کي برخه لري. خو دا کار د تیرکال په مني کي لا متوقف سوی دی.

زموږد آرشیف څخه یو انځوریز البوم:(27.10.2016 )

DW.COM

اعلان