امریکا د کانګرس پر مخالفت سربیره په سعودي وسلې پلوري | آلمان او نړۍ | DW | 25.05.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

امریکا د کانګرس پر مخالفت سربیره په سعودي وسلې پلوري

امریکايي حکومت پر سعودي عربستان، امارات او اردن هیوادونو باندې د څه د پاسه اته میلیارده ‌ډالرو په ارزښت د جنګي تجهیزاتو د پلورلو پریکړه کړې خو په کانګرس کې بیا د دیموکراتان په منځني ختیځ کې د کړکیچ د زیاتیدو اندیښنه لري.

د امریکا متحده ایالاتو د بهرنیو چارو وزیر مایک پمپیو، د جمعې په ورځ (د می میاشتې ۲۴) په رسمي ډول پر سعودي عربستان، متحده عربي اماراتو او اردن هیوادونو باندې د ۸،۱ میلیارده ډالرو په ارزښت جنګي تجهیزاتو د پلورلو خبر ورکړ.

په دومره لوړې کچې د وسلو د پلورلو خبر په داسې یوه وخت کې خپریږي چې د امریکا کانګرس د یمن په جګړه کې د سعودي عربستان د رول او همدارنګه د دغه هیواد د منتقد خبریال جمال خاشقجي د قتل قضیي په تړاو، سعودي عربستان ته د وسلو د صادراتو د بندولو غوښتنه کړې ده.

د آلمان خبري آژانس د یکشنبې په ورځ ویلي دي پر دې اندیښنو سربیره هم د امریکا حکومت پریکړه کړې ده چې دغو هیوادونو ته وسلې صادر کړي. دې خبرې آژانس د منځي ختیځ پر هیوادونو د وسلو پلورل او همدارنګه په سیمه کې د امریکا د پوځي حضور د زیاتیدو لامل د امریکا او ایران ترمنځ د کړکیج پراخیدل ارزولي دي.

د دفاعي توان زیاتول

د امریکا د بهرنیو چارو وزیر مایک پمپیو، ویلي دي چې پر دغو هیوادونو په دې کچې د وسلو پلورلو هدف د ایران د تهدیدنو پر وړاندې د دوی د دفاعي ظرفیت لوړول دي. د امریکا پوځ په خلیخ کې د نفتو پر ټانکرونو باندې د ورستي برید پړه د ایران پر سپاه پاسداران اچوي. ایران بیا دغه تورونه ردوي.

دا په داسې حال کې ده چې د امریکا په کانګرس کې د دیموکرات ګوند استازي، په منځني ختیځ کې د کړکیچ د زیاتیدو ویره لري. سربیره پر دې د امریکا کانګرس د جګړې د رامنځته کیدو او پوځي عملیاتو په اړه پریکړه خپل صلاحیت بولي. خو د کانګرس پر مخالفت سربیره پر سعودي عربستان د وسلو پلورل او همدارنګه په منځي ختیځ کې د پوځي حضور زیاتول په عملي توګه پر دې دلالت کوي چې د امریکا حکومت بی له دې چې د استازو مجلس نظر واخلي، په اقداماتو لاس پورې کوي.

sn/ms (dpa)

اعلان