الظواهري په نوي پيغام کي د اوکراين د بحران پړه پر امريکا اچولې | آلمان او نړۍ | DW | 08.05.2022

د دویچه ویله نوې پاڼه وګورئ

د dw.com بیټا بڼه تر اوسه پورې بشپړه شوې نه ده. ستاسې نظر د دې پاڼي په لا ښه جوړولو کې مرسته کولی شي.

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

الظواهري په نوي پيغام کي د اوکراين د بحران پړه پر امريکا اچولې

د القاعده مشر ايمن الظواهري په خپل تازه ويډيويي پيغام کي پر اوکراين د روسيې د نظامي بريد په هکله ويلي چي پړه يې د امريکا متحده ايالاتو په غاړه ده.

د القاعده د مشر ايمن الظواهري په تازه ويډيويي پيغام کي هغه پخپله د وينا په حال کي ښودل کيږي. دغه پيغام د القاعده د ترهګرې ډلې د لومړي مشر اسامه بن لادن د وژل کېدني د يولسم کال پوره کېدو د ورځي په مناسبت مخکي ثبت کړل سوی او بيا خپور کړل سوی دی. د امريکا متحده ايالاتو په ۲۰۰۱ کال د سپتمبر د يولسمي د ترهګريزو بريدونو اصلي طراح اسامه بن لادن بللی ؤ.

اسامه بن لادن د ۲۰۱۱ کال د می مياشتي په دويمه نېټه د امريکا متحده ايالاتو د ځانګړو عسکرو په يو عمليات کي د پاکستان په اېبټ آباد ښار کي ووژل سو. د ايمن الظواهري تازه خپره کړل سوې ويډيو ۲۷ دقيقې ده چي د جمعې په ورځ د می مياشتي په شپږمه نېټه خپره کړل سوې وه.

د الظواهري د تازه ويډيو په هکله معلومات د بنيادي معلوماتو په پاڼه (SITE) کي د يوې داسي استخباراتي ډلې له خوا ورکول سوي دي چي په ټوله نړۍ کي د توندلارو پر کړنو معلومات راغونډوي او خپروي يې.

د ويډيو په هکله تفصيلات

په دغه ويډيو کي ليدل کيدلای سي چي ايمن الظواهري د يو مېز تر شا ناست دی. د هغه تر شا کتابونه معلوميږي او مخي ته يې توپک پروت دی.

الظواهري په ښکاره توګه په ويډيو کي وايي چي پر اوکراين د روسيې د پوځي بريد اصلي پړه د امريکا د متحده ايالاتو پر کمزوريو راځي. نوموړي پر مسلمانانو ږغ کړی چي د مسؤليت احساس وکړي ځکه چي په وينا يې د امريکا متحده ايالات د عراق او افغانستان د جګړې وروسته په يو کمزور هيواد بدل سوی دی.

د الظواهري په وينا په عراق او افغانستان کي د ماتې خوړلو وروسته د کرونا پاندمي له کبله رامنځته سوي اقتصادي بحران هم د امريکا متحده ايالات کمزوره کړي دي. د هغه په وينا متحده ايالاتو د کمزورۍ په يو حالت کي خپل ټلوالی يا متحد هيواد اوکراين د روسيې په وړاندي يوازي پرېښود.

دا چي د القاعدې مشر الظواهري چيري استوګن دی، په دې هکله هيڅ معلومات نسته. نوموړی د امريکا د متحده ايالاتو د اف بي ای امنيتي ادارې له خوا په لوړه اندازه د مطلوبو کسانو په ليسټ کي قرار لري. د امريکا متحده ايالاتو د الظواهري د نيول کېدنې لپاره د هغه د استوګنځای په هکله د معلوماتو لپاره ۲۵ مليونه ډالره انعام ايښی دی.

د يمن هيواد د عسکرو سره د القاعدې جګړه

په يمن هيواد کي د القاعده د وسله والو او د دغه هيواد د عسکرو تر منځ وسله واله نښته رامنځته سوې ده. د خبرونو له مخي نښته د يمن په سويل لوېديځ کي د الضالع په ولايت کي سوېده. دغه سيمه د يمن په يو ځانګړي او خصوصي امنيتي کمربند کي واقع ده چيري چي د القاعدې تر څنګ د داعش ډلې وسله وال هم فعاليت لري.

د يمن پوځ ويلي چي کله چي يې عسکرو د القاعدې پر وسله والو ږغ وکړ چي وسلې پر مځکه کښېږدي نو هغوی ورباندي ډزي وکړې. په دغه ډزو کي د يمني پوځ دوه قومندانان ووژل سول. له وژل سوو څخه يو کس کرنل وليد الضمي ښودل سوی چي په سيمه کي د امنيتي کمربند مرستيال مشر ؤ. ويل سوي چي دغه وسله واله نښته تر يو ساعت پوري جاري وه چي پکښي ۸ وسله وال او څلور امنيتي کسان ووژل سول.

ياد امنيتي کمربند د عربي اماراتو او د بېلتون غوښتونکي ډلې عبوري شورا جوړ کړی دی.

آ./ا.ا./ن.ص.