آیا ترمپ رواني ناروغ دی؟ | آلمان او نړۍ | DW | 21.08.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

آیا ترمپ رواني ناروغ دی؟

دغه پوښتنه په تیرو میاشتو کې د هغه مخالفینو او انتقاد کونکو عنوان کړې ده. خو په کانگرس کې د کلفورنیا دیموکرات استازې زوي لوفگرن، غواړي چې په دې هکله په بشپړه توگه پوه شي.

میرمن زوي لوفگرن، چې له ۱۹۹۵ کال راهیسې د استازو په مجلس کې د دیمواکراتانو استازتیوب کوي، غواړي چې د امریکا متحده ایالاتو ولسمشر مجبوره کړي چې له روغتیايي لحاظه معاینه کړای شي. نه یوازي له جسمي، بلکې له رواني لحاظه هم. څرنگه چې اوس بربنډه شوې ده د کلفورنیا څخه دغې استازې په واشنگټن کې د استازو مجلس ته په دې اړه يوه مصوبه وړاندې کړې ده.

د «دیمنتیا» یا د عقل د زوال ابتدايي پړاو؟

د دغې پوښتنې یا څیړنې هدف دا دی چې وموندل شي: آیا دغه ۷۱ کلن ترمپ په کافي اندازه له رواني «ثبات» څخه برخه من دی، څو د ولسمشرۍ په ریاست کې پاتې شي که نه. په مصوبه کې راغلي دي که چیرې ثابته شي چې ترمپ دغه ډول ناروغي لري، نو هغه باید د ولسمشر د مرستیال مایک پنس او د حکومت د نورو غړو له خوا له خپلې دندې گوښه کړای شي. میرمن لوفگرن د خپلې دغې غوښتنې له پاره د امریکا متحده ایالاتو د اساسي قانون ۲۵مادې ته اشاره کوي چې د یوه داسې اقدام له پاره په ځانگړو شرایطو کې لاره پرانیزي. په خپلې مطبوعاتي وینا پاڼه کې نوموړې ۶۹ کلنې استازې دغه لاندې پوښتنې عنوان کړې دي چې د هغې له نظره باید ژر تر ژره روښانه کړای شي:

 

  • «آیا ولسشمر ترمپ د «دیمنتیا» یا د عقل د زوال د ناروغۍ د لومړي پړاو څخه رنځ وړي؟»

  • «آیا د ولسشمرۍ د دندو فشار یوه روانې ناروغي نوره هم زیاته کړې چې د هغه د نبض کنترول یې تر اغیزې لاندې راوستی؟

  • «ایا یو احساسي اختلال پر ولسمشر دومره زیاته اغیزه کوي چې هغه د دې توان نه لري خپل مکلفیتونه تر سره کړي؟»

  • «آیا ولسشمر له روحي او احساسي لحاظه له ثبات څخه برخه من دی؟»

د گوند په دننه کې شک او تردید

په دې منځ کې اوس د امریکا متحده ایالاتو ډير خلک شک لري چې دونالد ترمپ دې د ولسشمرۍ د دندو د تر سره کولو له پاره وړتیا ولري. څو ورځې مخکې حتی د جمهوري غوښتونکو یو سناتور باب کورکر، په ښکاره توگه د ترمپ د حکومتولۍ وړتیا تر پوښتنې لاندې راوستله. کروکر، چې د سنا په مجلس کې د بهرنیو چارو د جرگه گۍ ریاست پر غاړه لري وویل: «ولسمشر لا تراوسه ثابته کړې نه ده چې دی کولای شي خپلې دندې په بریالیتوب سره تر سره کولای شي که نه.»

DW.COM

اعلان