آيا په ايټاليا کي به نوي دولت جوړ سي؟ | آلمان او نړۍ | DW | 26.02.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

آيا په ايټاليا کي به نوي دولت جوړ سي؟

په ايټاليا کي د رايو شمېرني پايلي ښيي چي د منځ لارو چپيانو ائتلاف د استازو په مجلس کي ډيري رايي گټلي دي. دا په داسي حال کي ده چي د برلوسکوني په مشرۍ ښی اړخي ائتلاف او پنځه ستوري گوند د سنا په مجلس کي اگثريت گټلی دئ.

epa03600373 Election officals begin tallying votes at a polling station after it closed, in Pontedera, Italy, 25 February 2013. Pier Luigi Bersani's centre left had a significant lead in two early exit polls in both houses of parliament after the voting stations closed Italy's general election on 25 February. EPA/Stringer

Italien Wahl

په ايټاليا کي د پارلماني ټاکنو چي د فيبرورۍ پر (۲۴ او۲۵) ترسره سوې د رايو شمېرنه ښيي چي د پير لوييجي برساني په مشرۍ د منځ لارو چپيانو ائتلاف په لږ توپير سره د سيلويو برلوسکوني له محافضه کار او «پنځه ستوري» گوندونو څخه د نمايندگانو په مجلس کي مخ ته سوی دئ.

د ايتاليا د کورنيو چارو وزارت اعلان کړی دئ، چي د منح لارو چپيانو ائتلاف په سلو کي ۲۹/۵۵رايي خپلي کړي دي.

د منځ لارو چپيانو د ائتلاف وياند الساندرا مورتی د انتخاباتو پايلو ته په اشارې سره ويلي دي: «دا معلومه ده چي موږ له دغو پايلو څخه راضي نه يو. په دغو ټاکنو کي د يوه سياسي گوند د بريا بحث مطرح نه وو؛ خبره د يوه با اعتماده دولت پر جوړولو ده چي د دغه هیواد خلکو ته ثبات امنيت او اقتصادي وضعه ښه کړي.»

قدرت ته د برلوسکوني بيرته رسېدل؟

له بلي خوا د سيلويو برلوسکوني گوند هم په سنا مجلس کي د ۱۱۴ چوکيو په گټلو سره په دغه مجلس کي اکثريت گټلی دئ. برلوسکوني په انتخاباتي مبارزه کي د دې له پاره چي يو وار بيا قدرت ته ورسيږي ايټاليانو ته وعده ورکړه چي د هيواد له اوسني اقتصادی سياست سره به مخالفت کوي.

د «پنځه ستوري» گوند چي د ايټاليا په پخواني مسخره يا کمدي بپه گريلو پوري اړه لري په سنا مجلس کي تر برلوسکوني وروسته ډيري چوکۍ گټلي دي. دغه گوند وتوانېد چي د ايټالیا د استازو په مجلس کي هم ۲۶ چوکۍ د ځان کړي.

په دې سره نو د استازو په مجلس کي اکثريت د منځ لارو چپيانو په اختيار کي او په سنا مجلس کي د منځ لارو ښی اړخو په اختيار کي دئ. په ايټاليا کي د دولت د جوړولو له پاره بايد گوندونه په دواړو مجلسونو يعنی د استازو او سنا په مجلس کي اکثريت ولري.

د انتخاباتو د تکرار زمزمې

د دغو ټاکنو پايلي که د يوه نوي دولت جوړول غير ممکن نه کړي، خو ډير اسانه به هم نه وي. لکه څرنگه چي د «پنځه ستورو» د گوند مشر اعلان کړی دئ، د ده په مشرۍ گوند به له نورو گوندونو سره ائتلاف ونه کړي. که دا کار وکړي د نوي دولت جوړول امکان نه لري نو سره له اوسه د انتخاباتو د تکرار گنگوسې رواني دي.

خو د ايټاليا پارلماني ټاکنو يو څه روښانه کړل، چي هغه د دغه هيواد د لومړي وزير ماریو مونتي له اقتصادي سياست سره د خلکو مخالف وو. د مونتي په مشرۍ د منځ لارو ائتلاف د استازو او سنا په مجلس کي تر ټولو لږ رايي (په سلو کي ۱۰) گټلي دي.

ماريو مونتي له هغه وروسته د لومړي وزارت له مقام څخه استعفا وکړه، چي د برلوسکوني گوند په پارلمان کي له هغه څخه لاس واخيست. د دغه اقدام په ترڅ کي د ايټالیا جمهور رئيس جورجيو ناپوليتانو د پارلمان د انحلال لارښوونه وکړه. ځکه نو په دغه هيواد کي پارلماني ټاکني تر خپل وخت دوې مياشتي دمخه تر سره سوې.