آلمان: یوه اته کلن هلک پر لويې لاري موټر ځغلولی دی | آلمان او نړۍ | DW | 25.08.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اعلان

آلمان او نړۍ

آلمان: یوه اته کلن هلک پر لويې لاري موټر ځغلولی دی

په آلمان کې یوه اته کلن ماشوم پر یوه داسې لویه لار موټر ځغلولی چې د نورو موټرو سرعت خورا ډیر وو. وروسته ماشوم، د خپل وضعیت تر خرابیدو وروسته موټر درولی دی او په دې پیښه کې چاته زیان نه دی اوښتی.

د آلمان لویې لارې یا آټوبانونه په ټوله نړۍ کې د موټرو د چټک سرعت له کبله پیژندل کیږي.

د آلمان لویې لارې یا آټوبانونه په ټوله نړۍ کې د موټرو د چټک سرعت له کبله پیژندل کیږي.

د آلمان د پولیسو په حواله، دغه پیښه د دې هیواد دورتمند ښار ته څیرمه د تیرې جمعې په ورځ (د اګست میاشتې په ۲۲مه نیټه) د شپې پرمهال رامنځ ته شوې ده. د دې ماشوم مور د شپې په ۱۲ بجو پولیسو ته زنګ وهلی او د خپل ځوی د لادرکه کیدو احوال یې ورکړی دی. له دې کابو یو ساعت وروسته، ماشوم له موټر سره یوځای د دورتمند پر یوه لویه لار ولاړ موندل شوی دی.

د آلمان د خبري آژانس یا ډي. پي. اې په حواله، دغه ماشوم د زوسټ په نامه په سیمه کې له خپلې مور څخه د اتومات موټر کليد (کلي) پټه کړې او پر لویې لارې یې موټر برابر کړی دی. د معلوماتو له مخې نوموړي هلک د ۱۴۰ کیلومتره في ساعت په سرعت سره موټر چلولی او تر ۸ کیلومتره مزل او د روغتیايي حالت تر خرابیدو وروسته موټر پر لویه لار درولی دی. نوموړي هلک نه یوازې دا چې په قانوني توګه یې د سړک په څنډه موټر درولی او د دریدو څراغونه یې چالان کړي بلکه د نورو موټرو د خوندیتوب له پاره احتیاطي علایم هم د سړک پر غاړه ایښې دي.

په دې پیښه کې چاته مالي او ځاني زیان نه دی اوښتی.

په دې پیښه کې چاته مالي او ځاني زیان نه دی اوښتی.

تر دریدو وروسته، کله چې پولیس سیمې ته ورسیدل، نو هلک په ژغړوني غږ ورته وویل: «ما غ وښتل چې یوازې لږ موټر وچلوم.» پولیسو پر ټولنیزه رسنۍ د نوموړي ماشوم عکس العمل هم خپور کړی او ورسره یې لیکلي چې د شپې په تیاره کې پر لویه لار یوه ماشوم په ساعت کې ۱۴۰ کیلومتره سرعت سره یو موټر چلولی دی. د دې پیښې په زړه پورې اړخ دا دی چې په دې ټول داستان کې چاته ځاني او مالي زیان نه دی اوښتی.

اعلان