د پاکستان مهمو سیاسي تاریخي پیښو ته کتنه
۱۳۹۲ اردیبهشت ۲۱, شنبه
د ۱۹۴۷م کال د اګست میاشتې پر څوارلسمه نیټه پاکستان تاسیس شو.
د ۱۹۴۸م کال د سپتمبر میاشتې پر یوولسمه نیټه د پاکستان بنسټ ایښودونکی محمد علي جناح ومړ.
د ۱۹۵۱م کال د اکتوبر میاشتې پر ۱۶مه نیټه د پاکستان لومړنی صدراعظم لیاقت علي خان ترور شو. د لیاقت له تروریدو سره په پاکستان کې بې ثباتي رامنځ ته شوه.
د ۱۹۵۸م کال د اکتوبر میاشتې پر ۲۷مه نیټه د پاکستان د پوځ د هغه وخت مشر محمد ایوب خان، د دغه هیواد چارې په لاس کې واخیستې.
د ۱۹۶۹م کال د مارچ میاشتې پر ۲۵مه نیټه په لویدیځ او ختیځ پاکستان کې د اپوزیسیون له لوري تر څو میاشتو مظاهرو وروسته ایوب خان، د پاکستان مشري د پوځ د هغه وخت مشر جنرال یحیی خان، ته وسپارله.
د ۱۹۷۰م کال د دسمبر د میاشتې پر اوومه نیټه د پاکستان په ختیځ کې عوامي لیګ ګوند عمومې ټاکنې وګټلې او په دې ترتیب سره یې د دغه هیواد واک تر لاسه کړ. خو د پاکستان د پوځ پخواني مشر یحیی خان، بیا ملکي حکومت لغو اعلان کړ، چې د دې کار په غبرګون کې د پاکستان په ختیځ کې سخت لاریونونه وشول او په پاکستان کې کورنۍ جګړه پیل شوه.
د ۱۹۷۱م کال د دسمبر میاشتې پر ۱۶مه نیټه د کورنۍ جګړې په ترڅ کې د هندوستان تر مداخلې وروسته د پاکستان پوځ په ختیځ پاکستان کې تسلیم شو او ختیځ پاکستان په یوه آزاد هیواد بنګله دیش، باندې بدل شو.
د ۱۹۷۱م کال د دسمبر میاشتې پر شلمه نیټه یحیی خان، د پاکستان د ولسمشر په توګه له خپلې دندې استعفا وکړه او ذوالفقار علي بهټو د دغه هیواد ولسمشر شو. وروسته بیا په دغه هیواد کې پارلماني سیستم تصویب شو او ذوالفقار علي بهټو لومړی وزیر شو.
د ۱۹۷۷م کال د جولایي میاشتې پر پنځمه نیټه د پاکستان د پوځ مشر جنرال ضیاالحق واک تر ګوتو کړ.
د ۱۹۷۹م کال د اپریل میاشتې پر څلورمه نیټه ذوالفقار علي بهټو په دار وځړول شو. د پاکستان دغه پخوانۍ لومړۍ وزیر د قتل په یوې توطیې تورن شوی وو. که څه هم ذولفقار علي بهټو له محکمې څخه د بخښنې غوښتنه وکړه، خو محکمې د هغه غوښتنه رد کړه.
د ۱۹۸۸م کال د اګست میاشتې پر ۱۷ نیټه ضیاالحق د الوتکې د رالویدو په یوې مرموزې پېښه کې ووژل شو.
د ۱۹۸۸م کال د دسمبر میاشتې پر دویمه نیټه د ذولفقار علي بهټو لور بې نظیر بهټو د پاکستان لومړۍ ښځینه صدراعظمه شوه.
د ۱۹۹۰م کال د اګست میاشتې پر شپږمه نیټه د بې نظیر بهټو حکومت د اختلاس او واک څخه د ناوړه استفادې په تور ړنګ شو.
د ۱۹۹۰م کال د نومبر میاشتې پر لومړۍ نیټه د ټاکنو په پایله کې نواز شریف لومړی وزیر شو.
د ۱۹۹۳م کال د اپریل میاشتې پر ۱۸مه نیټه د پاکستان د هغه وخت ولسمشر غلام اسحاق خان، د نواز شریف حکومت منحل کړ خو سترې محکمې د نواز شریف حکومت بیرته برحاله کړ.
د ۱۹۹۳م کال د جولاې میاشتې پر اتلسمه نیټه د ولسمشر او لومړي وزیر تر منځ تر ژورو اختلافاتو وروسته د هغه وخت د پوځ مشر وحید کاکړ، دواړه استعفا ته اړ کړل.
د ۱۹۹۳م کال د اکتوبر میاشتې پر ۱۹مه نیټه د ټاکنو په پایله کې بې نظیر بهټو یو ځل بیا د پاکستان صدراعظمه شوه.
د ۱۹۹۶م کال د نومبر میاشتې پر پنځمه نیټه یو ځل بیا د بې نظیر بهټو حکومت د اختلاس او بې کفایتۍ له امله د هغې د ګوند له لوري د ټاکل شوي ولسمشر فاروق لغاري له لوري منحل شو.
د ۱۹۹۷م کال د فبروري میاشتې په ۱۷مه نیټه د ټاکنو په پایله کې نوازشریف د لومړي وزیر په توګه وټاکل شو او بې نظیر بهټو د اختلاس د تورونو د تعقیب له ویرې پخپله خوښه جلا وطنه شوه.
د ۱۹۹۹م کال د اکتوبر میاشتې پر ۱۲مه نیټه د پاکستان د هغه وخت د پوځ مشر جنرال پرویز مشرف، د یوې سپینې کودتا په ترڅ کې نواز شریف له واکه لیرې کړ او پخپله یې د پاکستان چارې په لاس کې واخیستې.
د ۲۰۰۲م کال د نومبر میاشتې پر ۲۱مه نیټه ظفرالله جمالي، د پاکستان د لومړي وزیر په توګه وټاکل شو.
د ۲۰۰۴م کال د اګست میاشتې پر ۲۳مه نیټه شوکت عزیز، د جمالي تر استعفا وروسته د پاکستان لومړی وزیر شو.
د ۲۰۰۷م کال اکتوبر د میاشتې پر ۱۸نیټه بې نظیر بهټو له تبعید څخه بیرته خپل هیواد ته ستنه شوه، تر څو په ټاکنو کې برخه واخلي.
د ۲۰۰۷م کال د نومبر د میاشتې پر ۲۵مه نیټه نواز شریف هم له تبعید څخه پاکستان ته راستون شو.
د ۲۰۰۷م کال د دسمبر میاشتې پر ۲۷مه نیټه بې نظیر بهټو ترور شوه.
د ۲۰۰۸م کال د مارچ میاشتې پر ۲۵مه یوسف رضا ګیلاني، د پاکستان د لومړي وزیر په توګه وټاکل شو.
د ۲۰۰۸م کال د اګست میاشتې پر ۱۸مه پرویز مشرف د پاکستان د ولسمشرۍ له دندې څخه استعفا وکړه.
د ۲۰۰۸م کال د سپتمبر میاشتې پر شپږمه د بې نظیر بهټو میړه آصف علي زرداري، د پاکستان د ولسمشر په توګه وټاکل شو.
د ۲۰۱۲م کال د جون میاشتې پر ۲۲مه نیټه راجه پرویز اشرف، د پاکستان لومړی وزیر شو.
د ۲۰۱۳م کال د مارچ میاشتې پر ۲۵مه د پاکستان پیپلز ګوند خپله پنځه کلنه پارلماني موده پوره کړه.
د ۲۰۱۳م کال د مارچ میاشتې پر ۲۴مه میر هزار خان کهوسوو، د پاکستان د موقت لومړي وزیر په توګه وټاکل شو.
د ۲۰۱۳ کال د مارچ میاشتې پر ۱۱مه نیټه په پاکستان کې پارلماني ټاکنې تر سره شوې.