جرمني: ائیتلافي گوندونه تر یوه کال حکومت وروسته اکثریت نلري

په هغه نظرپوښتنه کي چي د انزا-Insa انستیتوت له خوا د المانۍ ورځپاڼي ،«بیلډ» په فرمایش تر سره سوې ده، سوسیال ډیموکراټان، لیبرالان او زرغونیان په گډه سره  ۴۴ فیصده اخیستي، او په دې سره نور په پارلمان کي اکثریت نه لري. 
تر ټولو ډیر بیا د صدراعظم، اولاف شولڅ د سوسیال ډیموکراټانو حزب ډیري رايي بایللي دي. هغوی په دغه اونۍ کي ۲۰ فیصده رايې اخیستي، چي تر تیري هفتې یو فیصد کم او د ۲۰۲۱ م کال تر پارلماني انتخاباتو شپږ فیصده لږ دي. 

لیبرالان د تیرو پارلماني انتخاباتو په نسبت ثابت پاته او ۷ فیصده لري. په ائیتلافي حکومت کي تر نورو بیا زرغون گوند ډيري رايي وړي دي. هغوی په دغه اونۍ کي ۱۷ فیصده اخیستي، چي که څه هم تر تیري هفتې یو فیصد لږ دی، خو د تیرو پارلماني انتخاباتو په نسبت دوه فیصده ډیر.