Втора Парада на гордоста во Скопје

„Манифестацијата е настан од и за ЛГБТИ заедницата, но и за сите поддржувачи на борбата за еднаков третман на сите луѓе. Прајдот е протест, но и прослава, на која ги реафирмираме надежите за посолидарно, похумано и поправедно општество", се вели во соопштението испратено до јавноста.

Во пресрет на Парадата на гордоста, премиерот Зоран Заев преку својот Фејсбук профил изрази поддршка на ЛГБТИ заедницата.

„Манифестираме европски и солидарни манири среде Балкан. Ова е нашиот нов Балкан, слободен, човечки и разновиден. Повикувам здружно да продолжиме да работиме на рушење на ѕидовите и креирање нов и подобар свет за сите нас," напиша Заев.